పల్సర్ బైక్ రమణ(Pulser bike Ramana) గురించి సోషల్ మీడియా యూజర్స్ కి ప్రత్యేకమైన పరిచయం అవసరం లేదు. నేనట్టాంటి ఇట్టాంటి ఆడదాన్ని కాను బావో.. పల్సర్ బైక్ పైన రారా బావో అనే పాటతో ఒక ఊపి ఒప్పేశాడు. ఈ పాత యూట్యూబ్ లో రికార్డ్ వ్యూస్ సాధించి సంచలనం సృష్టించింది. ఇదే పాటను రవితేజ హీరోగా వచ్చిన ధమాఖా సినిమాలో కూడా వాడేశాడు. ఆ పాట సినిమా విజయంలో కీలక పాత్ర పోషించింది. దీంతో ఓవర్ నైట్ స్టార్ అయిపోయాడు పల్సర్ బైక్ రమణ.
అయితే తాజా సమాచారం మేరకు పల్సర్ బైక్ రమణ ఓ ఇంటివాడు కాబోతున్నారట. కుందన శ్రీ (నందిని) అనే అమ్మాయిని పెళ్లిచేసుకోబోతున్నాడట. డిసెంబర్ నెలలోనే వీరి నిశ్చితార్థం జరిగిందని సమాచారం. ఈ వేడుకకు సంబందించిన వీడియో ప్రస్తుతం సోషల్ మీడియాలో వైరల్ గా మారింది. ఈ వీడియో చూసిన నెటిజన్స్ కొత్త జంటకు శుభాకాంక్షలు తెలుపుతున్నారు. అయితే పెళ్లి ఎప్పుడు అనేది మాత్రం ఇంకా క్లారిటీ రాలేదు.
