రీసెంట్‌‌‌‌గా విడుదలైన ‘రాజు వెడ్స్ రాంబాయి’ చిత్రంతో గుర్తింపును తెచ్చుకున్న అఖిల్ రాజ్ హీరోగా మరో చిత్రాన్ని అనౌన్స్ చేశారు. ఇందులో వరలక్ష్మి శరత్‌‌‌‌కుమార్ కీలక పాత్ర పోషిస్తోంది. ‘అర్జునుడి గీతోపదేశం’ టైటిల్‌‌‌‌తో సతీష్ గోగాడ ఈ చిత్రాన్ని రూపొందిస్తున్నాడు. ఫస్ట్ కట్ ఫిలిం ఫ్యాక్టరీ బ్యానర్‌‌‌‌‌‌‌‌పై త్రిలోక్ నాథ్ కాళిశెట్టి నిర్మిస్తున్నారు.
ప్రస్తుతం షూటింగ్ శరవేగంగా జరుగుతోంది. హైదరాబాద్, రాజమండ్రి, అమలాపురం పరిసర ప్రాంతాల్లో కీలక సన్నివేశాలు చిత్రీకరించామని, డిసెంబర్‌‌‌‌‌‌‌‌లో చివరి షెడ్యూల్ స్టార్ట్ చేయనున్నట్టు దర్శక నిర్మాతలు తెలియజేశారు. దివిజ ప్రభాకర్, ఆదిత్య శశికుమార్, సదన్, వసంతిక మచ్చ, రాజీవ్ సాలుర్ ఇతర ముఖ్య పాత్రలు పోషిస్తున్నారు. ఈ చిత్రానికి చరణ్ అర్జున్ సంగీతం అందిస్తున్నాడు.
