నేనే రాజు నేనే మంత్రి(Nene Raju Nene Mantri).. టాలీవుడ్ స్టార్ హీరో రానా(Rana), దర్శకుడు తేజ(Teja) కాంబోలో వచ్చిన సూపర్ హిట్ మూవీ. పొలిటికల్ బ్యాక్డ్రాప్ లో వచ్చిన ఈ సినిమా బాక్సాఫీస్ దగ్గర సూపర్ హిట్ గా నిలిచింది. అంతేకాదు.. చాలా కాలంగా హిట్ కోసం చేస్తున్న దర్శకుడు తేజ ఈ సినిమాతో భారీ హిట్ అందుకున్నారు. ఇక ఈ సినిమా సాధించిన విజయంతో.. నేనే రాజు నేనే మంత్రి సినిమాకు సీక్వెల్ కూడా అనౌన్స్ చేశారు మేకర్స్.
తాజాగా ఈ సీక్వెల్ పై అధికారిక ప్రకటన చేశారు మేకర్స్. డిసెంబర్ 14 రానా పుట్టినరోజు సందర్బంగా ఈ సినిమా టైటిల్ రివీల్ చేశారు. ఈ సినిమాకు రాక్షస రాజా అనే పవర్ ఫుల్ టైటిల్ ను ఫిక్స్ చేశారు. ఇదే విషయాన్నీ అధికారికంగా ప్రకటిస్తూ పోస్టర్ ను కూడా రిలీజ్ చేశారు. ఈ పోస్టర్ లో రానా లుక్ నెక్స్ట్ లెవల్లో డిజైన్ చేశారు. చేతిలో మిషన్ గాన్ పెట్టుకొని, నుదుటన నామాలతో, నోల్తో చుట్టతో చాలా పవర్ ఫుల్ గా కనిపిస్తున్నారు రానా. ఈ ఫస్ట్ లుక్ ఆడియన్స్ ను తెగ ఆకట్టుకుంటోంది. ఇక త్వరలోనే సెట్స్ పైకి వేళ్ళనున్న ఈ సినిమాకు సంబందించిన మరిన్ని డీటెయిల్స్ త్వరలోనే ప్రకటించనున్నారు మేకర్స్. పక్కా పొలిటికల్ బ్యాక్డ్రాప్ లో రానున్న ఈ సినిమా వచ్చే ఏడాది ప్రేక్షకుల ముందుకు రానుంది.
