వెండితెరపై మెరవాలని చిన్ననాటి నుంచే కలలు కన్న రకుల్ప్రీత్ సింగ్ అందుకోసం ఎన్నో నిద్రలేని రాత్రులు గడిపినట్టు తెలిపింది. హీరోయిన్గా పరిశ్రమలో తనదైన ముద్ర వేయడం వెనుక ఎన్నో అవమానాలు, ఛీత్కారాలు ఎదుర్కొన్నట్టు వివరించింది. ఇటీవల ఓ ఇంటర్వ్యూలో మాట్లాడిన రకుల్ తన సినీ జర్నీ గురించి ఇంట్రెస్టింగ్ విషయాలు పంచుకుంది.
‘నటినయ్యేందుకు పేరెంట్స్ను వదిలి ముంబై ట్రైన్ఎక్కాను. రోజూ ఎంతో మంది దర్శకులు, క్యాస్టింగ్ ఏజెంట్స్కు ఫోన్ చేసేదాన్ని. చాన్సుల కోసం గంటల కొద్దీ క్యూలో నిల్చునేదాన్ని. కొన్ని సార్లు చివరి నిమిషంలో సినిమా నుంచి నన్ను తీసేసేవారు. ఈ జర్నీలో ఎన్నో పాఠాలు నేర్చుకున్నా’ అని రకుల్ తెలిపింది. ప్రస్తుతం ఇండియన్ 2, అయిలాన్ సినిమాల్లో ఈ బ్యూటీ నటిస్తోంది.
