బాలీవుడ్‌‌లో విభిన్నమైన పాత్రలతో తనదైన గుర్తింపు తెచ్చుకున్న రితేశ్ దేశ్ముఖ్ టాలీవుడ్ ఎంట్రీ ఇవ్వబోతున్నాడు. రామ్ పోతినేని హీరోగా నటిస్తూ దర్శకత్వం వహిస్తున్న చిత్రంలో ఆయన కీలక పాత్ర పోషిస్తున్నట్టు సోమవారం రివీల్ చేశారు. ‘రాపో 23’ వర్కింగ్ టైటిల్‌‌తో తెరకెక్కుతోన్న ఈ మూవీ షూటింగ్ ప్రస్తుతం హైదరాబాద్‌‌లో జరుగుతోంది. ఈ షెడ్యూల్‌‌లోనే రితేష్ పాల్గొన్నాడు. ఈ సందర్భంగా మూవీ టీమ్ విడుదల చేసిన వీడియో ఆకట్టుకుంటోంది.
షూటింగ్ సెట్‌‌లోకి వచ్చిన రితేశ్ దేశ్‌‌ముఖ్‌‌కు రామ్ పోతినేని గ్రాండ్ వెల్‌‌కమ్ పలికాడు. ఈ వీడియో ప్రస్తుతం సోషల్ మీడియాలో వైరల్‌‌గా మారింది. ఏక్ విలన్, రైడ్ 2, రాజా శివాజీ లాంటి వరుస హిట్స్‌‌తో జోష్ మీదున్న రితేశ్ దేశ్ముఖ్ టాలీవుడ్ ఎంట్రీతో ఈ సినిమాపై అంచనాలను పెంచుతోంది. సైకలాజికల్ యాక్షన్ థ్రిల్లర్‌‌గా రూపొందుతోన్న ఈ చిత్రంలో సంయుక్త హీరోయిన్‌‌గా నటిస్తోంది. రాపో సినిమాటిక్స్ బ్యానర్‌‌‌‌పై రామ్ పోతినేని బ్రదర్ కృష్ణ పోతినేని ఈ చిత్రాన్ని నిర్మిస్తున్నారు
