- కేంద్ర మంత్రి చేతుల మీదుగా అవార్డు అందుకున్న సింగరేణి జీఎం
కోల్బెల్ట్, వెలుగు : మంచిర్యాల జిల్లా మందమర్రి ఏరియాలోని ఆర్కే-1ఏ సింగరేణి బొగ్గు దేశవ్యాప్త బొగ్గు గనుల్లో ఫైవ్ స్టార్ రేటింగ్ పొంది ఓవరాల్ ఫస్ట్ ప్లేస్ అవార్డు దక్కించుకుంది. న్యూఢిల్లీలోని విజ్ఞాన్ భవన్లో బుధవారం రాత్రి జరిగిన కార్యక్రమంలో కేంద్ర బొగ్గు గనులు, పార్లమెంటరీ వ్యవహారాల శాఖ మంత్రి ప్రహ్లాద్ జోషి చేతుల మీదుగా మందమర్రి ఏరియా సింగరేణి జీఎం ఎ.మనోహర్ ఈ అవార్డును అందుకున్నారు. దేశవ్యాప్తంగా (కోలిండియా) 504 బొగ్గు గనుల్లో బొగ్గు ఉత్పత్తి
రక్షణ, కార్మికుల సంక్షేమం, పర్యావరణం, వాటర్ మేనేజ్మెంట్, పునరావాసం, కార్మికులకు అవగాహన తదితర అంశాలపై ఉత్తమ గనుల ఎంపికలో 2019–-20 సంవత్సరానికి ఆర్కే1ఏ బొగ్గు గని ఓవరాల్ బెస్ట్ ఫైవ్ స్టార్ రేటింగ్ మైన్గా , 2020–-21లో మూడో బెస్ట్ మైన్గా ఎంపికయ్యింది. రెండేళ్లకు సంబంధించి బెస్ట్ అవార్డులు దక్కించుకోవడంపై జీఎం, బెల్లంపల్లి రీజియన్ సేఫ్టీ గుప్తా
గని యాక్టింగ్ మేనేజర్ జయంత్కుమార్, ఏరియా పర్సనల్ మేనేజర్ శ్యాంసుందర్.. గని కార్మికులు, ఆఫీసర్లకు అభినందనలు తెలిపారు. అందరి సమష్టి కృషితో దేశంలోనే ఆర్కే1ఏ బెస్ట్ మైన్గా గుర్తింపు దక్కిందని వారు పేర్కొన్నారు.
