చట్టోగ్రామ్: బంగ్లాదేశ్తో రెండో టెస్ట్కు రోహిత్ శర్మ అందుబాటులో ఉండే విషయం ఒకటి, రెండు రోజుల్లో తెలుస్తుందని టీమిండియా తాత్కాలిక కెప్టెన్ కేఎల్ రాహుల్ అన్నాడు. అతని ఫిట్నెస్పై తనకు ఎలాంటి సమాచారం లేదన్నాడు. ఎడమ బొటన వేలి గాయంతో రోహిత్ తొలి టెస్ట్కు దూరమైన సంగతి తెలిసిందే. టీమ్ సమష్టిగా రాణించడం వల్లే తొలి టెస్ట్లో విజయం దక్కిందని రాహుల్ చెప్పాడు. ‘మాకు అన్ని కలిసొచ్చాయి. బ్యాటింగ్ బాగా చేశాం. బౌలింగ్ బాగా వేశాం. ఫీల్డింగ్లోనూ ఎక్కువ క్యాచ్లే తీసుకున్నాం. వీటివల్లే మేం మ్యాచ్ గెలవగలిగాం. ఒకరిద్దరితో మ్యాచ్లను గెలవలేం. కుల్దీప్, సిరాజ్ తొలి ఇన్నింగ్స్లో బౌలింగ్ బాగా చేశారు. మిగతా వాళ్లు సపోర్ట్గా నిలిచారు. ఓ టీమ్గా ఎలా ఆడాలో అందరూ అలాగే ఆడారు’ అని రాహుల్ పేర్కొన్నాడు.
సెకండ్ టెస్ట్కు నాసుమ్ అహ్మద్
రెండో టెస్ట్ కోసం బంగ్లాదేశ్ టీమ్లో ఒక మార్పు చోటు చేసుకుంది. గాయపడిన పేసర్ ఎబాదత్ హుస్సేన్ ప్లేస్లో అన్క్యాప్డ్ లెఫ్టార్మ్ స్పిన్నర్ నాసుమ్ అహ్మద్ను టీమ్లోకి తీసుకున్నారు. నాసుమ్ బంగ్లా తరఫున 4 వన్డేలు, 28 టీ20లు ఆడాడు.
