మన కల్చర్, మన నేచర్‌‌‌‌‌‌‌‌‌‌‌‌‌‌‌‌ను మనమే కాపాడుకోవాలి అని హీరో సాయి దుర్గ తేజ్ అన్నాడు. ఏపీ డిప్యూటీ సీఎం పవన్‌ కళ్యాణ్‌, అటవీ శాఖ సహకారంతో నవదీప్, సాయి దుర్గ తేజ్ సారథ్యంలో శ్రీకాంత్ మన్నెపురి ‘డిస్కవర్ ఆంధ్ర’ డాక్యుమెంటరీని తెరకెక్కించారు. ఈ ప్రాజెక్ట్‌‌‌‌‌‌‌‌‌‌‌‌‌‌‌‌ను పడాల సురేందర్ రెడ్డి, శ్రావ్య కూనం నిర్మించారు. ఈ మూవీ టైటిల్, గ్లింప్స్‌‌‌‌‌‌‌‌‌‌‌‌‌‌‌‌ను శనివారం లాంచ్ చేశారు.
ఈ సందర్భంగా నిర్వహించిన ప్రెస్‌‌‌‌‌‌‌‌‌‌‌‌‌‌‌‌మీట్‌‌‌‌‌‌‌‌‌‌‌‌‌‌‌‌లో సాయి దుర్గ తేజ్ మాట్లాడుతూ ‘ఈ ఫిల్మ్ చూస్తే మన చుట్టూనే ఇన్ని అద్భుతాలు ఉన్నాయా అని ఆశ్చర్యం కలుగుతుంది. మన చుట్టూ ఉన్న ఈ వైల్డ్ లైఫ్‌‌‌‌‌‌‌‌‌‌‌‌‌‌‌‌ను కాపాడుకోవాల్సిన బాధ్యత మనదే. ‘రిపబ్లిక్’ చిత్రంలో పర్యావరణాన్ని కాపాడుకునే విషయాల గురించి చెప్పినట్టే.. ఇందులో మన వైల్డ్ లైఫ్ ఇంపార్టెన్స్‌ గురించి ఎంతో అద్భుతంగా చెప్పబోతోన్నాం’ అని అన్నాడు. నవదీప్ మాట్లాడుతూ ‘ ఆంధ్రలో ఉన్న వైల్డ్ లైఫ్‌‌‌‌‌‌‌‌‌‌‌‌‌‌‌‌ను ఎక్స్‌‌‌‌‌‌‌‌‌‌‌‌‌‌‌‌ప్లోర్ చేయాలని శ్రీకాంత్ కంకణం కట్టుకున్నాడు. తెలుగు జాతి గర్వపడేలా ఆంధ్రలోని అద్భుతాల్ని చూపించబోతున్నాం’ అని చెప్పాడు. ఆంధ్రలోని అద్భుతాలపై అందరికీ అవగాహన కల్పించేలా ఈ ప్రాజెక్టు ఉండబోతుందని శ్రీకాంత్ మన్నెపూరి అన్నాడు.
