బోడుప్పల్లో ఇద్దరు అరెస్ట్
తార్నాక,వెలుగు: బోడుప్పల్ ప్రాంతంలోని ఓ ఇంటిపై దాడి చేసిన పోలీసులు సెక్స్ వర్కర్లతో బిజినెస్ చేస్తున్న నిర్వాహకురాలిని, విటుడిని, ఇద్దరు మహిళలను అరెస్ట్ చేశారు. మేడిపల్లి ఇన్ స్పెక్టర్ అంజిరెడ్డి వివరాల ప్రకారం…బోడుప్పల్ ఈదయ్యనగర్లో నిమ్మరబోయిన సంధ్య(22) వెంకన్నతో కలిసి ఓ ఇంటిని రెంట్ కి తీసుకుని అమ్మాయిలను సెక్స్ వర్కర్లుగా మార్చి బిజినెస్ చేస్తోంది. విటుల నుంచి భారీ మొత్తంలో వసూలు చేస్తూ అమ్మాయిలను అరెంజ్ చేసేది.
గతంలో ఓ ఇంటిలో సెక్స్ రాకెట్ నడిపిన సంధ్య అక్కడి నుంచి ఈదయ్యనగర్ లోని ఓ ఇంటికి రెంట్ కి తీసుకుని ఇదే బిజినెస్ నిర్వహిస్తోంది. ఇల్లు రెంట్ కి తీసుకునే సమయంలో సంధ్య..తన వెంట ఉన్న వ్యక్తిని భర్తగా ఓనర్ కి పరిచయం చేస్తుంది. తర్వాత అమ్మాయిలతో సెక్స్ రాకెట్ నడిపేది. దీనిగురించి సమాచారం అందుకున్న మేడిపల్లి ఎస్ వోటీ పోలీసులు ఆ ఇంటిపై దాడి చేసి సోదా చేశారు. సెక్స్ రాకెట్ నడుపుతోన్న సంధ్యతో పాటు..గోల్నాకలో ఉంటున్న విటుడు రమేశ్(24)ను అదుపులోకి తీసుకున్నారు. సెక్స్ వర్కర్లుగా ఉన్న ఇద్దరు యువతులను రెస్య్కూ హోంకి తరలించారు. 3 సెల్ ఫోన్లు, రూ.500 డబ్బు స్వాధీనం చేసుకున్నట్టు మేడిపల్లి ఇన్ స్పెక్టర్ అంజిరెడ్డి తెలిపారు. సుమోటో కేసు నమోదు చేసి దర్యాప్తు చేస్తున్నట్టు ఆయన తెలిపారు.
