అదృష్టం అంటే ఇదే.. కోహ్లీ, రోహిత్‌లను దాటేసి ధోనీ రికార్డు సమం చేసిన శ్రేయస్! 

Shreyas Iyer Toss Record: ఇంగ్లండ్ పర్యటనలో వరుస పరాజయాలతో ఇబ్బంది పడుతున్న భారత్ తాత్కాలిక కెప్టెన్ శ్రేయస్ అయ్యర్‌కు ఒక ఊహించని రికార్డు సృష్టించాడు. సౌతాంప్టన్‌ వేదికగా జరుగుతున్న ఐదో టీ20 మ్యాచ్‌లో టాస్ గెలవడంతో అయ్యర్ వరల్డ్ క్రికెట్ హిస్టరీలోనే ఒక రేర్ మైలురాయిని అందుకున్నాడు. అంతర్జాతీయ టీ20 (T20I) క్రికెట్‌లో వరుసగా అత్యధిక సార్లు టాస్ గెలిచిన భారత కెప్టెన్‌గా.. టీమిండియా లెజెండ్, మిస్టర్ కూల్ మహేంద్ర సింగ్ ధోని పేరుపై ఉన్న 14 ఏళ్ల నాటి చారిత్రాత్మక రికార్డును శ్రేయస్ అయ్యర్ సమం చేసి అందరినీ షాక్‌కు గురి చేశాడు. 

వరుసగా 7 సార్లు టాస్ గెలిచి రచ్చ: 
క్రికెట్ మ్యాచ్‌లో టాస్ గెలవడం అనేది పూర్తిగా అదృష్టం మీదే ఆధారపడి ఉంటుంది. భారత మాజీ దిగ్గజ కెప్టెన్ ఎంఎస్ ధోని మే 2010 నుంచి ఫిబ్రవరి 2012 మధ్య కాలంలో అంతర్జాతీయ టీ20ల్లో వరుసగా ఏడు మ్యాచ్‌లలో టాస్ గెలిచి అగ్రస్థానంలో కొనసాగుతున్నాడు. ఇప్పుడు జూన్ 2026 నుంచి జూలై 2026 మధ్య కాలంలో శ్రేయస్ అయ్యర్ కూడా వరుసగా ఏడో సారి టాస్ గెలిచి (7* Consecutive Toss Wins) థాలా ధోని సరసన నిలిచాడు. ఈ ఇంగ్లండ్ సిరీస్‌లో ఆడిన ఐదూ ఐదు మ్యాచ్‌ల్లోనూ టాస్ అయ్యర్‌కే ఫేవరట్‌గా పడటం ఒక రేర్ రికార్డు. తదుపరి మ్యాచ్‌లో కూడా అయ్యర్ టాస్ గెలిస్తే ధోనిని దాటి హిస్టరీలోనే సరికొత్త వరల్డ్ రికార్డును క్రియేట్ చేస్తాడు. 

విరాట్ కోహ్లీ, రోహిత్ శర్మ రికార్డులు బద్దలు: 
అంతర్జాతీయ టీ20ల్లో వరుసగా టాస్ గెలిచిన భారత కెప్టెన్ల జాబితాను పరిశీలిస్తే శ్రేయస్ అయ్యర్ ఏకంగా విరాట్ కోహ్లీ, రోహిత్ శర్మల రికార్డులను తుడిచేశాడు. కోహ్లీ ఆగస్టు 2019 నుంచి డిసెంబర్ 2019 మధ్య వరుసగా 6 సార్లు టాస్ గెలిచి రెండో స్థానంలో ఉండగా, హిట్ మ్యాన్ ఫిబ్రవరి 2020 నుంచి ఫిబ్రవరి 2022 మధ్య కాలంలో, అలాగే ఎంఎస్ ధోని తన కెరీర్ ఆరంభంలో (సెప్టెంబర్ 2007) వరుసగా 5 సార్లు టాస్ గెలిచి తర్వాతి స్థానాల్లో నిలిచారు. ఇప్పుడు అయ్యర్ ఏకంగా ఏడు సార్లు టాస్ గెలిచి ధోని రికార్డుని షేర్ చేసుకుంటున్నాడు.  

టాస్ ఓకే.. మ్యాచ్ గెలిచేది ఎప్పుడు అయ్యర్: 
ఈ చారిత్రాత్మక మైలురాయి శ్రేయస్ అయ్యర్ లక్‌ కలిసి వస్తున్నప్పటికీ, కెప్టెన్‌గా మైదానంలో అతనికి ఆశించిన విజయాలు లభించడం లేదు.. అయ్యర్ సారథ్యంలో భారత్ వరుసగా చివరి 5 అంతర్జాతీయ టీ20 మ్యాచ్‌ల్లో ఘోర పరాజయాలను చవిచూసింది. లక్ కలిసివచ్చి వరుసగా 7 టాస్‌లు గెలిచినా మ్యాచ్‌లను గెలిపించలేకపోతున్నావ్ అంటూ సోషల్ మీడియాలో నెటిజన్స్ ట్రోలింగ్ చేస్తున్నారు.