- హాజరైనవారిలోనూ ఇన్ వ్యాలిడేషన్ కాని వారే ఎక్కువ
- ఈ నెలలో జరిగిన మెడికల్బోర్డులో 120 మందిలో 15 మందే ఇన్వ్యాలిడేషన్
కోల్బెల్ట్, వెలుగు: సింగరేణి కార్మికులు ప్రతికూల పరిస్థితుల్లో ఏళ్ల తరబడి పనిచేస్తూ వ్యాధుల బారిన పడుతుంటారు. ఈ క్రమంలో మెడికల్బోర్డులో కార్మికుడు అన్ఫిట్ అయితే ఆ కుటుంబంలో ఒకరికి కారుణ్య నియామకాల(ఇన్వాలిడేషన్)కింద ఉద్యోగం వస్తుందని బోర్డుకు దరఖాస్తు చేసుకుంటే నిరాశే ఎదురవుతోంది. నెలల తరబడి ఉద్యోగం వదులుకుని, జీతాన్ని త్యాగం చేసి బోర్డుకు దరఖాస్తు చేస్తే ఆఫీసర్లు కనికరం చూపకుండా ఫిట్ ఫర్ సేమ్జాబ్ అంటూ వెనక్కి పంపిస్తుండడంపై కార్మికుల్లో ఆవేదన వ్యక్తమవుతోంది. ఇటీవల ఒక కాలు లేని వ్యక్తిని, కిడ్నీ బాధితులు, దీర్ఘకాలిక వ్యాధులు ఉన్నవారిని కూడా అన్ఫిట్ చేయలేదు. దీంతో బాధితులు ఆర్ఎల్సీని ఆశ్రయించారు. ఈనెల 19న మంచిర్యాల జిల్లా మందమర్రి ఏరియాలోని కాసీపేట బొగ్గు గనిపై వెంకటేశ్ అనే కార్మికుడు తనకు ఒక కాలు లేకున్నా అండర్ గ్రౌండ్అన్ఫిట్ అని చెప్పి, సర్ఫేస్లో ఉద్యోగం చేయిస్తున్నారని కార్మిక సంఘాల లీడర్లను నిలదీయడం సింగరేణిలో చర్చనీయాంశమైంది.
తగ్గుతున్న ఇన్వ్యాలిడేషన్
ఈనెల 25,26 తేదీల్లో నిర్వహించిన మెడికల్బోర్డులో కేవలం 15 మంది(12.5శాతం)ని మాత్రమే ఇన్వాలిడేషన్గా ప్రకటించారు. మూడు నెలలుగా మెడికల్బోర్డులో ఇన్వాలిడేషన్ శాతం తగ్గడంతో బోర్డు పట్ల కార్మికుల్లో ఆసక్తి తగ్గుతుంది. గతంలో ప్రతి నెల రెండు లేదా మూడు సార్లు మెడికల్ బోర్డులు నిర్వహించే యాజమాన్యం, ఇప్పుడు నెలకొకసారే నిర్వహిస్తున్నా తక్కువ మందిని అన్ఫిట్చేయడం విమర్శలకు తావిస్తోంది. బోర్డు నిర్వహణ కఠినతరం చేయడం, ముందస్తు సమచారం అందక కార్మికులు సకాలంలో చేరుకోకపోవడంతో ఇన్వాలిడేషన్ శాతం తగ్గుతుందనే అభిప్రాయాలు వ్యక్తమవుతున్నాయి.
కనీసం వారం ముందు బోర్డు నిర్వహణపై సమాచారం ఇవ్వాలని కార్మికులు డిమాండ్ చేస్తున్నారు. మరోవైపు మెడికల్ నిబంధనల ప్రకారం పారదర్శకంగా బోర్డు నిర్వహిస్తుండటంతో ఇన్వాలిడేషన్ సంఖ్య తగ్గుతుందనే వాదనా ఉంది. మరోవైపు గతంలో దళారుల వల్లే ఇన్వ్యాలిడేషన్పెరిగేదని అధికారులు చెబుతున్నారు. డాక్టర్లతో కుమ్మక్కై అవినీతికి పాల్పడినట్లు ఎంక్వైరీలో తేలింది. అనర్హులను అన్ఫిట్గా ప్రకటించారనే ఆరోపణలతో విజిలెన్స్విచారణ కూడా చేపట్టి పలువురిపై శాఖపరమైన చర్యలు కూడా తీసుకుంది. దీంతో సింగరేణి డాక్టర్లకు బదులుగా ప్రభుత్వ డాక్టర్లను రప్పించి మెడికల్బోర్డును నిర్వహిస్తున్నారు.
- సింగరేణిలో ఏడాదిన్నరగా నిలిపివేసిన మెడికల్బోర్డును జూలై నుంచి నిర్వహిస్తున్నారు. ఆ నెల 17,18 తేదీల్లో కొత్తగూడెంలోని సింగరేణి ప్రధాన హాస్పిటల్లో మెడికల్బోర్డుకు 120 మంది హాజరుకాగా, 24 మంది(20శాతం) మాత్రమే ఇన్వ్యాలిడేషన్ అయ్యారు. ఈ మెడికల్బోర్డుకు 49 మంది గైర్హాజరుకావడం గమనార్హం. తక్కువ మందినే ఇన్వాలిడేషన్ ప్రకటించారని కార్మికులు, కార్మిక సంఘాల లీడర్లు ఆగ్రహాం వ్యక్తం చేశారు.
- ఆగస్టు 26,27 తేదీల్లో నిర్వహించిన మెడికల్బోర్డుకు 120 మంది కార్మికులు దరఖాస్తులు చేసుకోగా 71 మంది హాజరయ్యారు. ఇందులో 12 మందిని ఉద్యోగం చేయలేని పరిస్థితి ఉందంటూ నిర్ధారించి ఇన్వాలిడేషన్ చేశారు. కేవలం 10శాతమే ఇన్వాలిడేషన్ చేయటం సింగరేణి చరిత్రలో ఇదే మొదటిసారిని కార్మికులు పేర్కొన్నారు. కనీసం సెప్టెంబర్లోనైనా ఎక్కువ మంది కార్మికులను ఇన్వాలిడేషన్ చేసే ఛాన్స్ ఉందని ప్రచారం జరిగింది. ఈసారి కూడా 12.5 శాతం మాత్రమే ఇన్వాలిడేషన్ చేశారు. ఈనెల 25,26 తేదీల్లో నిర్వహించిన మెడికల్బోర్డుకు 120 మంది దరఖాస్తు చేసుకోగా 69 మంది మాత్రమే హాజరుకాగా.. 15 మందిని మాత్రమే ఇన్వాలిడేషన్ చేశారు. 38 మందిని ఫిట్ఫర్ సేమ్జాబ్, ఐదుగురిని హయ్యర్ రిఫరల్కు, 11 మంది పిట్ఫర్సర్ఫేస్కు ఎంపిక చేశారు.
