- 15న జమ చేయనున్న యాజమాన్యం
- పర్మినెంటు వర్కర్లకు రూ.25 వేలు
- ట్రైనీ, టెంపరరీలకు రూ.12,500
కోల్బెల్ట్, వెలుగు: సింగరేణి కార్మికులు, ఉద్యోగులకు యాజమాన్యం గుడ్న్యూస్ చెప్పింది. దసరా పర్వదినం సందర్భంగా పండుగ అడ్వాన్స్మంజూరు చేస్తూ శుక్రవారం ఉత్తర్వులు జారీ చేసింది. సింగరేణిలో పనిచేస్తున్న నేషనల్కోల్వేజ్అగ్రిమెంట్(ఎన్సీడబ్ల్యూఏ) రెగ్యులర్ఉద్యోగులతో పాటు మైన్స్యాక్ట్ కింద లీవ్అర్హత గల ఉద్యోగులకు రూ.25 వేల చొప్పున పండుగ అడ్వాన్స్ అందనుంది. టెంపరరీ కార్మికులు, ట్రైనీ ఉద్యోగులకు రూ.12,500 చొప్పున చెల్లిస్తారు. ఈనెల 15న నేరుగా ఉద్యోగుల బ్యాంక్ ఖాతా జమ చేయనున్నారు.
ఈ అడ్వాన్స్మొత్తాన్ని కార్మికుల నుంచి10 వాయిదాల్లో రికవరీ చేస్తారు. నవంబర్నెల జీతాల నుంచి వాయిదాల వసూలు ప్రారంభమవుతుంది. రిటైర్మెంట్కాబోతున్న, వైద్యపరంగా అన్ఫిట్గా ప్రకటించిన ఉద్యోగులకు అడ్వాన్స్ఇవ్వరు. ఒక వేళ ఉద్యోగులు సర్వీసు 10 నెలల కంటే తక్కువగా ఉంటే రిటైర్నాటికన్నా ముందే అడ్వాన్స్ మొత్తాన్ని పూర్తిగా రికవరీ చేస్తారు. గతేడాది పండుగ అడ్వాన్స్ తీసుకొని బకాయిలు పూర్తిగా చెల్లించనివారికి పాత బాకీ మినహాయించుకుంటారు. సింగరేణిలో ఎన్సీడబ్ల్యూఏ ఉద్యోగులు సుమారు 37,478 మంది ఉన్నారు. పండుగ వేళ అడ్వాన్స్ జమ కానుండటంతో సింగరేణి కార్మికుల్లో హర్షం వ్యక్తమవుతోంది.
