ప్రముఖ గాయని హారిక నారాయణ్(Harika Narayan) పెళ్లిచేసుకున్నారు. తన స్నేహితుడు, సాఫ్ట్ వేర్ ఉద్యోగి పృథ్వీనాథ్(Prithvinath) తో కలిసి ఏడడుగులు వేశారు. గత ఏడూ సంవత్సరాలు ప్రేమలో ఉన్న వీరి వివాహం మార్చ్ 17న అంగరంగా వైభవంగా జరిగింది. ఈ వేడుకకు టాలీవుడ్ ఇండస్ట్రీకి సంబందించిన ప్రముఖ సింగర్స్ హాజరై సందడి చేశారు. ప్రస్తుతం హారిక, పృథ్వీనాథ్ కి సంబందించిన ఫోటోలు నెట్టింట వైరల్ అవుతున్నాయి. ఈ ఫోటోలు చూసిన నెటిజన్స్ ఈ కొత్త జంటకు సోషల్ మీడియా వేదికగా శుభాకాంక్షలు తెలుపుతున్నారు.
ఇక గాయని హారిక నారాయణ్ విషయానికి వస్తే.. చాలా కాలంగా తెలుగులో పాటలు పడుతున్నా ఈ మధ్యే ఆమెకు పాపులారిటీ వచ్చింది. రీసెంట్ గా ఆమె పాడిన వారసుడు సినిమాలోని తలపతి అనే పాట ఎంత పెద్ద సక్సెస్ అయ్యిందో ప్రత్యేకంగా చెప్పాల్సిన పనిలేదు. విజయ్ తలపతి ఫ్యాన్స్ ఈ పాటకు ఉర్రూతలుగుపోయారు. ఇక ఆచార్య సినిమాలో లాహే.. లాహే పాట చాలా పెద్ద హిట్ అయ్యింది. ఈ పాటకు గాను ఇటీవలే బెస్ట్ సింగర్ గా గామా అవార్డు అందుకున్నారు హారిక నారాయణ్.
