ఐయామ్ సింగిల్..ఈ మధ్య తరచుగా వినిపిస్తోన్న మాట ఇది. ప్రేమ, పెండ్లి వంటి బంధాలు లేనివాళ్లేనా? అంటే కాదు. కానీ, సింగిల్ అనగానే గుర్తొచ్చేది ప్రేమకు నోచుకోని, వయసు అయిపోతున్నా పెండ్లి చేసుకోని వాళ్లే. పైగా వాళ్లు కూడా తమకు గుర్తింపు ఉండాలని ప్రయత్నిస్తుంటారు. రిలేషన్షిప్లో ఉన్నవాళ్లు ఎలాగూ వాట్సాప్ స్టేటస్లు, ఇన్స్టాగ్రామ్ రీల్స్, యూట్యూబ్లో షార్ట్స్ చేస్తుంటే.. సింగిల్స్ కూడా తమదైన స్టయిల్లో తమలాంటి ఒంటరి పక్షులను ఉద్దేశిస్తూ కామెంట్లు చేస్తున్నారు. అలాగని సింగిల్స్ అంతా సోషల్ మీడియాలోనే ఉండరు. వాళ్లలో కొందరు పార్ట్నర్ కోసం వెతికే పనిలో ఉంటారు.
హ్యాపెన్ అనే డేటింగ్ యాప్ సర్వేలో తేలింది ఏంటంటే.. భారతీయుల్లో ఉన్న సింగిల్స్లో 29 శాతం మంది కొన్నిసార్లు ఒంటరిగా ఫీలవుతున్నారట. అయితే 16 శాతం మంది మాత్రం సింగిల్గా ఉండడానికే ఇష్టపడుతున్నారు. అందుకు కారణం వాళ్ల మీద వాళ్లు ఫోకస్ చేసే స్పేస్ దొరుకుతుంది అని. సెల్ఫ్ కేర్, పర్సనల్ గ్రోత్ అనే ఈ రెండు అంశాల వల్ల కల్చరల్ షిఫ్ట్కు ప్రయారిటీ ఇస్తున్నట్లు చూపిస్తున్నాయి.
సింగిల్గా ఉండడం ఈ రోజుల్లో అందరికీ సాధ్యం కాదు. అలా ఉన్నవాళ్లను చూసినప్పుడు ఒక్కో జనరేషన్ ఒక్కోలా అనుకుంటారు. జెన్ జెడ్.. అంటే ప్రస్తుతం 18 నుంచి 25 మధ్య ఉన్న వాళ్లు ఆన్లైన్లోనే పెరుగుతున్నారు. పబ్లిక్తో కంటిన్యూగా ఇంటరాక్ట్ అవుతున్నారు. కంపానియన్షిప్ లేదా సహవాసం లేకపోవడాన్ని తీవ్రంగా ఫీలవుతారు. సర్వే ప్రకారం 31 శాతం మంది సింగిల్గా ఉండడం వల్ల ఎమోషనల్గా ఎంతో ఎఫెక్ట్ అవుతున్నట్లు చెప్పారు.
26 నుంచి 35 ఏండ్ల మధ్య ఉన్న వాళ్లు సింగిల్హుడ్ను మరోలా చూస్తారు. మనదేశంలో 25 శాతం మంది సింగిల్గా ఉన్నందుకు హ్యాపీగా ఫీలవుతున్నారు. కానీ, సరైన సమయం వచ్చినప్పుడు రిలేషన్షిప్లోకి ఎంటర్ అవ్వడానికి రెడీగా ఉన్నారు. అలాగే తమకి తాము ప్రాధాన్యత ఇచ్చుకుంటూనే ఇతరులతో కలిసి జీవించేలా లైఫ్ని బ్యాలెన్స్ చేయడం నేర్చుకుంటున్నారు. కానీ మనస్తత్వాలు మారుతున్నప్పటికీ సొసైటీలో ఎక్స్పెక్టేషన్స్ ఇంకా అలానే ఉన్నాయి.
21 శాతం మంది సొసైటీ ప్రెజర్ కొంతకాలమే అనుకుంటున్నారు. 38 శాతం మంది ఏజ్, జెండర్, లైఫ్లో ఏ స్థాయిలో ఉన్నా సరే సొసైటీ ప్రెజర్కు గురవుతున్నారు. ఇప్పటికీ చాలామంది సింగిల్స్ మాత్రం వీటన్నింటికీ దూరంగా ఉంటూ తమకు నచ్చింది చేసుకుంటూ పోతున్నారు. సెల్ఫ్ అవేర్నెస్, ఎమోషనల్ క్లారిటీ గురించి మాట్లాడితే.. సింగిల్స్ ఎక్కువగా ప్రేమకే ఓటు వేస్తున్నారు. 22 శాతం మంది డేటింగ్ వల్ల పార్ట్నర్ని ఎంచుకోవడం తెలిసిందన్నారు.
24 శాతం మంది డేటింగ్ చేసేటప్పుడు కొన్ని హద్దులు పెట్టుకుంటున్నారు. సింగిల్గా ఉండేవాళ్లు తమను తాము పూర్తిగా అర్థం చేసుకున్నాకే రిలేషన్షిప్లోకి అడుగుపెడుతున్నారు. ఈ సర్వే రిజల్ట్ తర్వాత హ్యాపెన్ యాప్ సీఈఓ, ప్రెసిడెంట్ కరీమా బెన్ మాట్లాడుతూ.. ‘ఈరోజుల్లో సింగిల్గా ఉండడం అనేది వాళ్ల చాయిస్, కాన్ఫిడెన్స్.
అంతేకానీ పరిస్థితుల వల్ల కాదు’ అన్నారు. సో దీనిని బట్టి ఈ జనరేషన్ వాళ్ల నిర్ణయాల పట్ల చాలా క్లారిటీగా ఉన్నట్లు తెలుస్తోంది అంటున్నారు ఈ సర్వే గురించి తెలిసినవాళ్లు.
