ఆదిలాబాద్ జిల్లా కేంద్రంలో బీఆర్ఎస్ నేతల అరెస్టు సంచలనంగా మారింది. కిడ్నాప్ కేసు కింద ఆరు ఆరుగురు బీఆర్ఎస్ నేతలను మహారాష్ట్ర పోలీసులు అరెస్టు చేశారు. వీరిపై ఫైల్ అయిన ఫిర్యాదు మేరకు పోలీసులు వారిని అరెస్ట్ చేసినట్టు తెలుస్తోంది. ఈ నేపథ్యంలో మూడు వాహనాల్లో వచ్చి ఆరుగురు బీఆర్ఎస్ లీడర్లను రణదీవేనగర్ లో పోలీసులు అరెస్ట్ చేశారు. డబ్బుల లావాదేవీల్లో ఓ మహారాష్ట్ర వ్యక్తిని కిడ్నాప్ చేసినట్టుగా వీరిపై వార్దా పోలీస్ స్టేషన్ లో కేసు నమోదైంది. అంతే కాకుండా వీరు రూ.2 లక్షలు డిమాండ్ చేసినట్టు కూడా నిందితులపై అభియోగం ఉంది.
ఈ క్రమంలో నిందితుల నుండి రూ.25వేలను పోలీసులు రికవరీ చేశారు. ఈ అరెస్టయిన వారిలో బీఆర్ఎస్ ముఖ్య నేత ముఖిత్, కార్యకర్తలు సూర్యకాంత్, షారూఖ్, సంజీవ్, నందకుమార్, విట్ఠల్ ఉన్నారు. అయితే వీరి మొబైల్ నెంబర్ ఆధారంగా ట్రాక్ చేసిన పోలీసులు.. లొకేషన్ ట్రేస్ చేసి పట్టుకున్నట్టుగా సమాచారం. మరొక ఆశ్చర్యకరమైన విషయమేమిటంటే.. ఈ ఆరుగురి అరెస్టులపై తెలంగాణ పోలీసులు సైలెంట్ గా ఉండడం. ఈ విషయంలో తమకేమీ తెలియదని ఆదిలాబాద్ జిల్లా పోలీసులు చెబుతుండడం గమనార్హం.
