నీకు దండం ఎట్టుకుంట పిల్ల.. విశ్వక్ సేన్ ఫంకీ మూవీ నుంచి సాంగ్ రిలీజ్

విశ్వక్‌‌‌‌‌‌‌‌‌‌‌‌‌‌‌‌ సేన్ హీరోగా ‘జాతిరత్నాలు’ ఫేమ్ కేవీ అనుదీప్ తెరకెక్కిస్తున్న చిత్రం ‘ఫంకీ’. సూర్యదేవర నాగ వంశీ, సాయి సౌజన్య నిర్మిస్తున్న ఈ చిత్రం ప్రేమికుల రోజు కానుకగా ఫిబ్రవరి 13న థియేటర్స్‌‌‌‌‌‌‌‌‌‌‌‌‌‌‌‌కు వస్తోంది.  ఇప్పటికే టీజర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌, ఫస్ట్ సాంగ్‌‌‌‌‌‌‌‌‌‌‌‌‌‌‌‌తో  ఇంప్రెస్ చేసిన మేకర్స్‌‌‌‌‌‌‌‌‌‌‌‌‌‌‌‌.. శనివారం (జనవరి 31)  ‘రట్టాటటావ్’ అనే పాటను విడుదల చేశారు. 

 భీమ్స్‌‌‌‌‌‌‌‌‌‌‌‌‌‌‌‌ సిసిరోలియో కంపోజ్ చేసిన ఈ ఎనర్జిటిక్‌‌‌‌‌‌‌‌‌‌‌‌‌‌‌‌ సాంగ్‌‌‌‌‌‌‌‌‌‌‌‌‌‌‌‌కు ‘రట్టాటటావ్ పిల్ల రట్టాటటావ్.. నీకు దండం ఎట్టుకుంట పిల్ల రట్టాటటావ్’  అంటూ దేవ్ పవార్ రాసిన లిరిక్స్, రామ్ మిరియాల పాడిన తీరు సరదాగా సాగింది.  ఇందులో  విశ్వక్ సేన్, కయాదు లోహర్ ఆన్‌‌‌‌‌‌‌‌‌‌‌‌‌‌‌‌స్క్రీన్‌‌‌‌‌‌‌‌‌‌‌‌‌‌‌‌ కెమిస్ట్రీ ఆకట్టుకుంది.  ఈ సందర్భంగా నిర్వహించిన ఈవెంట్‌‌‌‌‌‌‌‌‌‌‌‌‌‌‌‌లో విశ్వక్‌‌‌‌‌‌‌‌‌‌‌‌‌‌‌‌సేన్ మాట్లాడుతూ ‘ఇదొక మంచి ఫ్యామిలీ ఎంటర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌టైనర్.  

అనుదీప్‌‌‌‌‌‌‌‌‌‌‌‌‌‌‌‌తో  పని చేసిన తర్వాత నేను సినిమాని, జీవితాన్ని చూసే కోణం మారిపోయింది. తన రచన, హాస్యం భిన్నంగా ఉంటుంది. ఈ చిత్రం అందరికీ మంచి అనుభూతిని ఇస్తుంది’ అని అన్నాడు. ఈ చిత్రం కంప్లీట్ హిలేరియస్‌‌‌‌‌‌‌‌‌‌‌‌‌‌‌‌గా ఉంటుందని కయాదు లోహర్ చెప్పింది. ప్రేక్షకులకు నవ్వులు పంచేలా సినిమా ఉంటుందని అనుదీప్ అన్నాడు.