సంగారెడ్డి టౌన్, వెలుగు: పోలీస్ వ్యవస్థలో హోంగార్డ్స్ పాత్ర కీలకంగా ఉంటుందని, వారి ఆరోగ్యం ,ఆర్థిక భద్రత పోలీస్ శాఖ బాధ్యత అని జిల్లా ఎస్పీ పరితోష్ పంకజ్ అన్నారు. శుక్రవారం సంగారెడ్డి లోని జిల్లా పోలీస్ కార్యాలయంలో హెచ్ డీ ఎఫ్ సీ ,యాక్సిస్ బ్యాంక్ ,బజాజ్ జనరల్ ఇన్సూరెన్స్ ఆధ్వర్యంలో హోంగార్డు సిబ్బందికి ప్రమాద ఆరోగ్య బీమా పై అవగాహన కార్యక్రమం నిర్వహించారు.
ఈ సందర్భంగా బ్యాంక్ అధికారులు మాట్లాడుతూ హోంగార్డ్ శాలరీ అకౌంట్ కలిగి ఉండి అకౌంట్ హోల్డర్స్ ఏదైనా ప్రమాదం జరిగి మరణిస్తే వారిపై ఆధారపడిన కుటుంబ సభ్యులకు ఇన్సూరెన్స్ ఎంతో ఉపయోగం అని తెలిపారు. బజాజ్ జనరల్ ఇన్సూరెన్స్ లో ఏడాదికి హోంగార్డ్స్ రూ11,650. చెల్లిస్తే కుటుంబంలోని నలుగురు సభ్యులకు బీమా వర్తిస్తుందని .. ఏదైనా ప్రమాదం జరిగితే నలుగురు సభ్యులు కలిపి ఏడాదికి 33 లక్షల వరకు ఆరోగ్య భీమా చికిత్స కు ముందు మూడు నెలలు చికిత్స అనంతరం ఆరు నెలల వరకు చెల్లించిన మెడికల్ బిల్లులు తిరిగి చెల్లిస్తామన్నారు.
హోంగార్డ్స్ ప్రతి ఒక్కరూ బ్యాంకు ఇన్సూరెన్స్ కంపెనీలు కల్పించే సదుపాయాలను దృష్టిలో ఉంచుకొని స్వచ్ఛందంగా భీమా చేసుకోవాల్సిందిగా సూచించారు. ఆర్థిక క్రమశిక్షణను కలిగి మద్యం ఆన్లైన్ గేమ్స్ వంటి చెడు వ్యసనాలకు దూరంగా ఉండాలని ఎస్పి సూచించారు ఈ కార్యక్రమంలో అదనపు ఎస్పి సిహెచ్ రఘునందన్ రావు ఆర్ ఐ లు డేనియల్, రాజశేఖర్ రెడ్డి ,హెచ్డిఎఫ్సి, యాక్సిస్ బ్యాంక్ మేనేజర్స్, జనరల్ బజార్ ఇన్సూరెన్స్ మేనేజర్ ,హోంగార్డ్ సిబ్బంది తదితరులు పాల్గొన్నారు.
