ధనుష్ లీడ్ రోల్‌‌లో శేఖర్ కమ్ముల రూపొందిస్తున్న చిత్రం ‘కుబేర’. రష్మిక హీరోయిన్‌‌గా నటిస్తుండగా.. నాగార్జున, బాలీవుడ్ నటుడు జిమ్ సర్ఫ్ కీలక పాత్రలు పోషిస్తున్నారు. సునీల్ నారంగ్, పుస్కూర్ రామ్ మోహన్ రావు కలిసి నిర్మిస్తున్నారు. దాదాపు షూటింగ్ పూర్తయింది. ప్రస్తుతం పోస్ట్ ప్రొడక్షన్ పనులు శరవేగంగా జరుగుతున్నాయి. జూన్ 20న తెలుగు, తమిళ, కన్నడ, మలయాళ, హిందీ భాషలలో సినిమా విడుదల కానుంది. ఇప్పటికే ప్రమోషన్స్ స్టార్ట్ చేసిన మేకర్స్...ఈ చిత్రంలోని నాలుగు ప్రధాన పాత్రలను పరిచయం చేయడంతోపాటు గ్లింప్స్‌, ఫస్ట్ సాంగ్‌‌ను రిలీజ్ చేసి సినిమాపై అంచనాలను పెంచారు.
ఈ చిత్రం విడుదలకు 45 రోజులు మాత్రమే ఉందంటూ తాజాగా స్పెషల్ పోస్టర్‌‌‌‌ను రిలీజ్ చేశారు. ధనుష్, రష్మిక చిరు నవ్వులు చిందిస్తున్న పోస్టర్ ఇంప్రెస్ చేస్తోంది. వీరిద్దరూ మిడిల్ క్లాస్ యువతి యువకులుగా కనిపిస్తున్న తీరు ఆకట్టుకుంది. ఇందులో ధనుష్ బిచ్చగాడి గెటప్‌‌లో కనిపించనున్నాడు. తను ఎందుకు అలా మారాల్సి వచ్చింది అనేది ఆసక్తికంగా ఉండనుందని మేకర్స్ చెప్పారు. ఇక నాగార్జున ఈడీ అధికారి పాత్ర పోషిస్తున్నట్టు తెలుస్తోంది. దేవిశ్రీ ప్రసాద్ సంగీతం అందిస్తున్నాడు.
