నిర్మల్, వెలుగు: అసెంబ్లీ ఎన్నికల్లో పోటీ చేసిన అభ్యర్థులు, ప్రచారంలో భాగంగా చేసిన ఖర్చు వివరాలు సమర్పించాలని రాష్ట్ర ఎన్నికల వ్యయ పరిశీలకుడు శ్రీయాన్ కోరారు. శుక్రవారం నిర్మల్కలెక్టరేట్ లో పొలిటికల్ పార్టీల ప్రతినిధులతో సమీక్ష నిర్వహించారు. ఖర్చులకు సంబంధించిన బిల్లులను, బ్యాంక్అకౌంట్ల వివరాలను తప్పనిసరిగా సమర్పించాలని సూచించారు.
వివరాలు సక్రమంగా సమర్పించని వారికి వచ్చే ఎన్నికల్లో పోటీ చేసే అవకాశం ఉండదన్నారు. వారం రోజుల్లో ఈ ప్రక్రియను పూర్తి చేయాలని అధికారులను ఆదేశించారు. ఈ సమావేశంలో అడిషనల్ కలెక్టర్ కిశోర్ కుమార్, ఆర్డీఓలు పాల్గొన్నారు.
