టాలీవుడ్ టాలెంటెడ్ హీరో సుధీర్ బాబు(Sudheer babu) హీరోగా వచ్చిన లేటెస్ట్ మూవీ మామా మశ్చింద్ర(Maama Mascheendra). నటుడు, రచయిత హర్షవర్ధన్(Harshavardan) దర్శకత్వం వహించిన ఈ మూవీ అక్టోబర్ 6న ప్రేక్షకుల ముందుకు వచ్చింది. సుధీర్ బాబు మూడు డిఫరెంట్ గెటప్స్ లో కనిపించిన ఈ సినిమాపై ముందు నుంచే మంచి అంచనాలు ఏర్పడ్డాయి. అయితే విడుదల తరువాత ఆ అంచనాలను నిలబెట్టుకోలేకపోయింది ఈ సినిమా.
కథా, కథనాల్లో కొత్తదనం లేకపోవడం, లెక్కకుమించిన ట్విస్టులతో సినిమా గందరగోళంగా మారడంతో ఆడియన్స్ ఈ సినిమాను తిరస్కరించారు. మూడు గేటప్స్ కోసం సుధీర్ బాబు చాలా కష్టపడినా.. ఆయన కష్టానికి తగిన ఫలితం దక్కలేదు అనే చెప్పాలి. దీంతో సుధీర్ బాబు కథలో మరో ప్లాప్ సినిమా పడింది. దీంతో ఈ సినిమా ఓటీటీలో రిలీజ్ చేసేందుకు సిద్ధమయ్యారు. సినిమా రిలీజై కేవలం రెండు రోజులు మాత్రమే అయ్యింది.. ఇంతలోనే ఓటీటీ రిలీజ్ డేట్ ను అనౌన్స్ చేశారు మేకర్స్. ఇక ఈ సినిమా డిజిటల్ హక్కులను అమెజాన్ ప్రైమ్ సొంతం చేసుకున్న విషయం తెల్సిందే.దసరా కానుకగా అక్టోబర్ 20 నుండి ఈ సినిమా ఓటీటీలో స్ట్రీమింగ్ కానుంది. మరి థియేటర్స్ లో నిరాశపరిచిన ఈ సినిమా.. ఓటీటీలో ఎలాంటి రిజల్ట్ అందుకోనుందో చూడాలి.
