సుహాస్, మాళవిక మనోజ్ జంటగా రామ్ గోదాల రూపొందించిన చిత్రం ‘ఓ భామ అయ్యో రామ’. హరీష్ నల్ల నిర్మించిన ఈ చిత్రంలో దర్శకుడు హరీష్ శంకర్ అతిథి పాత్రలో నటించారు. ‘నువ్వు నేను’ ఫేమ్ అనిత కీలకపాత్ర పోషించగా అలీ, ప్రభాస్ శ్రీను, పృథ్వీరాజ్ ఇతర పాత్రల్లో నటించారు. ఈ చిత్రాన్ని జులై 11న ప్రేక్షకుల ముందుకు తీసుకొస్తున్నట్టు మంగళవారం ప్రకటించారు. రానా దగ్గుబాటి స్పిరిట్ మీడియా ఈ చిత్రాన్ని రిలీజ్ చేయనుంది. ఇప్పటికే విడుదలైన సాంగ్స్, టీజర్ సినిమాపై ఆసక్తిని పెంచాయి.
రిలీజ్ డేట్ అనౌన్స్‌‌‌‌‌‌‌‌మెంట్ సందర్భంగా దర్శకుడు మాట్లాడుతూ ‘ఇదొక క్యూట్‌ అండ్‌ ఎంటర్‌‌‌‌‌‌‌‌టైనింగ్‌ లవ్‌‌‌‌‌‌‌‌స్టోరీ. ప్రతి ఫ్రేమ్ కలర్‌‌‌‌‌‌‌‌ఫుల్‌‌‌‌‌‌‌‌గా ఉంటుంది. సుహాస్ ఎనర్జీ ఈ సినిమాకు బిగ్గెస్ట్‌ ప్లస్‌. రామ్‌‌‌‌‌‌‌‌గా సుహాస్, సత్యభామగా మాళవిక మనోజ్‌‌‌‌‌‌‌‌లు ప్రేక్షకులకు వినోదాన్ని పంచుతారు’ అని చెప్పాడు. ఈ చిత్రం అందర్నీ ఎంటర్‌‌‌‌‌‌‌‌‌‌‌‌‌‌‌‌టైన్ చేసేలా ఉంటుందని, సుహాస్ కెరీర్‌‌‌‌‌‌‌‌‌‌‌‌‌‌‌‌లో మైలురాయిగా నిలుస్తుందని నిర్మాతలు అన్నారు. రథన్ సంగీతం అందిస్తున్నాడు.
