టిక్ టాక్ లో ప్రేమ.. నో అన్నందుకు సూసైడ్ అటెంప్ట్
హైదరాబాద్ జూబ్లీహిల్స్ ఠాణాలో బ్లేడ్తో కోసుకున్న యువతి
హైదరాబాద్, (జూబ్లీహిల్స్), వెలుగు: వారిద్దరూ టిక్ టాక్ లో పరిచయమయ్యారు.. ప్రేమించుకున్నారు.. అబ్బాయి ఆమెను దూరం పెట్టాడు. పోలీసులకు ఫిర్యాదు చేసేందుకు వచ్చిన ఆమె బ్లేడ్తో కోసుకుని ఆత్మహత్యాయత్నం చేసింది.. శనివారం హైదరాబాద్లోని జూబ్లీహిల్స్ పోలీస్స్టేషన్లో ఈ ఘటన జరిగింది. ఏపీలోని తాడేపల్లిగూడెంకు చెందిన ఓ యువతి, హైదరాబాద్ లో డ్రైవర్ గా ఉద్యోగం చేసే వీరబాబు ఇద్దరూ టిక్ టాక్ లో పరిచయమయ్యారు. క్రమంగా వారి పరిచయం ప్రేమగా మారింది. కానీ వీరబాబు కొద్దిరోజులుగా ఆమెను దూరం పెట్టాడు. దీంతో రెండు రోజుల కింద ఆ యువతి జూబ్లీహిల్స్ పోలీస్స్టేషన్కు వచ్చి వీరబాబుపై ఫిర్యాదు చేసింది. అయినా పోలీసులు పట్టించుకోలేదంటూ శనివారం సాయంత్రం జూబ్లీహిల్స్ పోలీస్స్టేషన్ ముందు బ్లేడుతో చేయి కోసుకుని ఆత్మహత్యాయత్నం చేసింది. పోలీసులు ఆమెను వెంటనే ఉస్మానియా హాస్పిటల్కు తరలించారు.
టిక్టాక్వీడియో చేసి మరీ..
ఆమె బ్లేడుతో చేయికోసుకోవడానికి ముందు కూడా ఓ వీడియో తీసి వీరబాబుకు పంపినట్టు తెలిసింది. వీరబాబును విడిచి వెళ్తున్నందుకు బాధగా ఉందని, పేరెంట్స్ఏదైనా అంటే ఊరుకోవాలని, తాను లేకున్నా సంతోషంగా ఉండాలంటూ వీడియోలో పేర్కొన్నట్టు సమాచారం.
