సూర్య సిద్దాంతం .. వారాల లెక్క : ఆదివారం నుంచి శని వారం వరకు పేర్లు ఎలా పెట్టారు.. మహర్షుల లెక్క ఇదే

ఆకాశంలో గ్రహాల వరుస ప్రకారం వారాలను నిర్దేశించారని రుషులు చెబుతున్నారు.   వారాల్లో సూర్య, చంద్ర, కుజ, బుధ, గురు, శుక్ర, శని అనే వరసలో ఉన్నాయి.  ఆ గ్రహాల వరసకి...ఈ వారాలకీ అసలు సంబంధం ఏమిటి? దీంట్లో ఏం లాజిక్ ఉంది? ఇది కేవలం మూఢ విశ్వాసమా? ఆదివారం నుంచి శనివారం వరకు పేర్లు ఎలా వచ్చాయి.. ఏ సిద్దాంతాన్ని ప్రామాణికంగా తీసుకున్నారు.. మహర్షులు ఏం చెబుతున్నారు.. మొదలగు విషయాలను ఈ స్టోరీలో తెలుసుకుందాం. . 

వారాల పేర్లు విషయం  తెలియాలంటే  భారతీయ ఋషుల విజ్ఞానాన్ని లోతుగా పరిశీలించాలి. వారాలను మొదట తయారు చేసిందెవరో తెలుసా?  "మందా మరేడ్య భూపుత్ర సూర్య శుక్ర బుధేందవః" అంటే అర్ధం తెలుసా? వీటిని కాపీ కొట్టి, ఇవి మావే అని డబ్బా కొట్టుకుంటున్నది ఎవరో తెలుసా?

ఆకాశంలో గ్రహాల వరస ఎలా ఉందో సూర్య సిద్ధాంత గ్రంధంలో ఉంది. మందా_ మరేడ్య_ భూపుత్ర_ సూర్య_శుక్ర_బుధేందవః..  దీని ప్రకారం అనగా పై నుండి క్రిందికి వరుసగా శని, గురు, కుజ, రవి, శుక్ర, బుధ, చంద్ర గ్రహాలున్నాయి. భూమి తనచుట్టూ తాను తిరగడానికి ఒక అహః పడుతుంది.  అహః సమయం  60 ఘడియలు పడుతుంది. ఈ 60 ఘడియల్లో  ఈ 7 గ్రహాల ప్రభావాలు ఎలా ఉన్నాయో మన మహర్షులు గమనించారు.

మహర్షులు తెలిపిన వివరాల  ప్రకారం  ఒక ....అహః.... ప్రమాణంలో 24 భాగాలు ఉన్నాయి. 
ఆ భాగాలను వారు ...హోర... అన్నారు....అహః ప్రమాణం.. అన్నా, ..అహోరాత్ర ప్రమాణం.. అన్నా ఒక్కటేనని సూర్య సిద్దాంత గ్రంధం ద్వారా తెలుస్తుంది. అహోరాత్ర అనే పదంలో మధ్య రెండక్షరాలు కలిపితే ..హోర... అయింది.

దీన్ని ఆధారంగా చేసుకొని  రోజుకి 24 హోరలున్నాయని గణన చేసి రుషులు చెప్పారు.  హోర పదాన్ని అవర్(HOUR) గా మార్చి పాశ్చాత్యులు 24 అవర్స్(HOURS) అన్నారు. హోర శబ్దానికి అవర్ శబ్దానికి ఉన్న భాషాపరంగా పోల్చి.. పరిశీలిస్తే  మనం ఆశ్చర్యపోక తప్పదు కదా మరి..!

పురాణాల ప్రకారం వారము అంటే  సారి..  అని అర్ధము.  1వ సారి, 2వ సారి, అంటాము కదా
దాన్నే సంస్కృతంలో ప్రథమ వారము, ద్వితీయ వారము అని అంటారు.  గ్రహాల ప్రభావం అదే వరుసలో భూమిమీద ప్రసరిస్తూ చక్ర భ్రమణం చేస్తూ ఉంటుంది. . పైన తెలిపిన విధంగా  "మందా మరేడ్య భూపుత్ర సూర్య శుక్ర బుధేందవః" అనే వరుసలో ఒక్కొక్క హోరనూ పంచుకుంటూ.. ఈ భ్రమణంలో సూర్య హోర అయితే ...   ఆరోజు ఆదివారం.. మొదటి హోర.. ఇలా లెక్కేస్తే  మర్నాడు ఉదయానికి సరిగ్గా చంద్ర హోర ఉంటుంది. కనుక ఆ రోజు చంద్రవారం లేక సోమవారం.మళ్లీ వరుసగా హోరలు పంచుకుంటూ వెళితే ఆ మర్నాడు ఉదయానికి మంగళహోర వస్తుంది.కనుక ఆ రోజు ... మంగళవారం..

• ఆ మరునాడు ఉదయానికి ..బుధహోర... బుధవారం
• ఆ మరునాడు ఉదయానికి ...గురుహోర... ఆ రోజు  -గురువారం
• ఆ మర్నాడు ఉదయానికి  శుక్రహోర ఉన్న రోజు  - శుక్రవారం
• ఆ తరువాత ఉదయానికి శని హోర ఉంటే  ఆ రోజు శనివారం

• SUN'DAY ... ఆదివారం...సూర్యహోర
• MO(O)N'DAY .. సోమవారం...చంద్రహోర
• TUESDAY... మంగళవారం... కుజహోర
• WEDNESDAY.... బుధవారం...బుధహోర
• THURSDAY....గురువారం...గురుహోర
• FRIDAY...శుక్రవారం...శుక్రహోర
• SATUR(N)DAY...శనివారం... శనిహోర 

ఇలా సూర్యోదయ సమయానికి ఉండే హోర మీద ఏ గ్రహం ప్రభావం ఉంటుందో ఆ గ్రహమే ఆ రోజుకు పేరు అవుతుంది. అయితే ఈ విధానం వినడం కొత్త అయిన  లెక్కలేస్తే  మొదటి రోజు సూర్యోదయ సమయానికి సూర్యహోర అవుతుంది. ..ఈ వారాలన్నీ  ఇలా వచ్చినవేనని సూర్యసిద్దాంతం ప్రకారం తెలుస్తుంది. 

సూర్యుడి ప్రభావం పరిపూర్ణంగా ఉన్న ఘడియలో సృష్టి ప్రారంభం జరిగిందని మన పురాణాలు నిర్ణయించాయి.  అందుకే సూర్యోదయం ఆధారంగా ఘడియలు.. విఘడియలు లెక్కలేస్తారు.  దీన్నే మరోరకంగా చెప్పుకుంటే సృష్టి ప్రారంభంలో ఏ గ్రహం ప్రభావం ఉందో ఆగ్రహం పేరే ఆదిత్యుడు అంటే మొదటివాడు, అదే మొదటిరోజు.  అందువల్ల ఆ రోజు ఆదివారం అవుతుంది, ఆదివారం అన్నా, ఆదిత్యవారం అన్నా ఒకటే. 

 ఒక హోరకు ఒక గ్రహంగా ఇప్పుడు చెప్పుకున్న ....మందా మరేడ్య భూపుత్ర సూర్య శుక్ర బుధేందవః....అనే వరుసలో గ్రహాలను పంచుకుంటూ వస్తే, మర్నాడు సూర్యోదయానికి మొదటి గ్రహం నుంచి నాలుగో గ్రహం యొక్క హోర వస్తుంది. ఈ లెక్క ప్రతిరోజు ఇలాగే సాగుతుంది.

ఈ లెక్క ప్రకారం, హోరాధిపతుల వరసఆదిత్య, చంద్ర, కుజ, బుధ, గురు, శుక్ర, శని ఈ విధంగా వస్తుంది. అందుకే వారాల పేర్లు ఈ వరసలోనే వచ్చాయి. ఇవి ఎంతో శాస్త్రీయమైనవి కాబట్టే, బ్రిటిష్ వాళ్లు వీటిని తమ క్యాలెండర్ లో పేర్లు మార్చి, వాటిని వారి విజ్ఞానంగానే ప్రపంచాన్ని నమ్మిస్తున్నారు.  వారాల పేర్లు సంస్కృతం నుండి గ్రీకుకు ..అక్కడి నుంచి లాటిన్ నుంచి వచ్చాయి. 

అది భారతీయులైన మహర్షులకే తెలిసిన సత్యం. అదీ...భారతీయ ఋషుల గొప్పదనం  తెలుసుకోండి..  సనాతన ధర్మ సంస్కృతిలో ప్రతీదీ మనిషికి పనికొచ్చే సైన్సే తప్ప వేరే కాదని  తెలుస్తుంది.   ఇవి సంస్కృత గ్రంధాలలో మన ఋషులు చేసిన వారాల విభాగమని వేద గ్రంథాల ద్వారా తెలుస్తుంది.