ఇస్లామిక్ స్టేట్ (ఐఎస్ఐఎస్) అనుమానిత ఉగ్రవాది మహ్మద్ షానవాజ్ అలియాస్ షఫీ ఉజ్జమాతో పాటుగా మరో ఇద్దరిని పోలీసులు అరెస్ట్ చేశారు. ఎన్ఐఏ మోస్ట్ వాంటెడ్ లిస్ట్‌లో ఉన్న మహ్మద్ పై రూ. 3 లక్షల రివార్డు ఉంది. ఢిల్లీలోని ఐఎస్ఐఎస్ మాడ్యూల్‌ పక్కా సమాచారంతో వెల్లడికావడంతో అరెస్ట్ చేశారు.
ఈ ఉగ్రవాదులు దేశ రాజధానిలో ఉగ్రదాడికి ప్లాన్ చేసినట్లు అధికారులు తెలిపారు. కాగా దేశవ్యాప్తంగా ఉగ్రవాద లింకులున్న వ్యక్తులను పట్టుకునేందుకు ఢిల్లీ పోలీసుల విభాగం ఎన్ఐఏతో కలిసి పనిచేస్తుంది. వృత్తిరీత్యా ఇంజినీర్‌ అయిన షానవాజ్ పూణె ఐసిస్‌ కేసులో వాంటెడ్‌గా ఉన్నాడు .
అతను ఢిల్లీ నివాసి మరియు పూణే పోలీసుల కస్టడీ నుండి తప్పించుకున్నాడు. షానవాజ్‌తో సహా ముగ్గురు ఉగ్రవాద అనుమానితులను ప్రస్తుతం ప్రశ్నిస్తున్నారు.
