తమిళ సినీ పరిశ్రమలో విషాదం చోటుచేసుకుంది. ఆదివారం (జూలై 13న) ప్రముఖ ఫైట్ మాస్టర్ రాజు (Stunt Artist Raju) ప్రమాదంలో మరణించారు. ఆర్య నటిస్తున్న వెట్టువన్‌ మూవీ షూటింగ్‌లో భాగంగా రాజు ఓ కారుతో హై రిస్క్ స్టంట్ చేస్తుండగా, అది బోల్తా పడి పల్టీలు కొట్టడంతో అక్కడిక్కడే ప్రాణాలు కోల్పోయారు.
అయితే, కారుతో స్టంట్స్‌ చేస్తుండగా రాజుకు హార్ట్ అటాక్ వచ్చిందని మరికొన్ని నివేదికలు చెబుతున్నాయి. ఈ విషయంపై వెట్టువన్‌ మూవీ మేకర్స్ నుంచి అధికారిక ప్రకటన రావాల్సి ఉంది. ఇప్పటివరకు రాజు మృతిపై హీరో ఆర్య, దర్శకుడు పా. రంజిత్‌ ఎవరూ స్పందించలేదు.
పా రంజిత్‌ డైరెక్ట్ చేస్తున్న ఈ మూవీ షూటింగ్ తమిళనాడులోని కిళైయూర్‌ కావల్‌ సరగమ్‌ సమీపంలో విళుందమావడి గ్రామంలో జరుపుకుంటోంది. గత మూడు రోజులుగా అక్కడ కొన్ని యాక్షన్‌ సీన్స్ ను దర్శకుడు చిత్రీకరిస్తున్నారు. ఇకపోతే.. ఆర్య- పా. రంజిత్‌ కాంబినేషన్‌లో గతంలో వచ్చిన ‘సార్పట్ట’కు సీక్వెల్‌గా తెరకెక్కుతుంది వెట్టువన్‌.
ఫైట్ మాస్టర్ మోహన్‌ రాజు:
కాంచీపురం నెహ్రూ పూంగండం ప్రాంతానికి చెందిన ఫైట్ మాస్టర్ మోహన్‌ రాజు వయసు 52 ఏళ్లు. తమిళ సినీ పరిశ్రమలో రాజు అనేక సినిమాలకు స్టంట్ కో-ఆర్డినేటర్గా వర్క్ చేశారు. ఆయన ధైర్యంగా రిస్క్ తీసుకునే నైపుణ్యం, డెడికేషన్‌కు ఇండస్ట్రీలో మంచి పేరుంది.
హీరో విశాల్‌తో పాటు పలువురు స్టార్ హీరోల సినిమాల్లో ఆయన చేసిన స్టంట్లు ప్రేక్షకుల మెప్పు పొందాయి. రాజు మృతితో సినీ పరిశ్రమ శోకసంద్రంలో మునిగిపోయింది. ఈ క్రమంలో పలువురు ప్రముఖులు సోషల్ మీడియా ద్వారా సంతాపం ప్రకటిస్తున్నారు.
RIP https://t.co/6ddigGSBNB pic.twitter.com/KtO5q4xejB
— Ajitheyy 𝕏 (@Ajitheyyyy) July 14, 2025
ఈ క్రమంలో హీరో విశాల్ ఎమోషనల్ ట్వీట్ చేశారు. ఫైట్ మాస్టర్ రాజు నాకు చాలా సంవత్సరాలుగా తెలుసు. అతను చాలా ధైర్యవంతుడు. నా సినిమాల్లో చాలా ప్రమాదకర స్టంట్లు చేశాడు. చాలా ధైర్యంగా, రిస్క్ తీసుకుని పని చేసే రాజుకి ఇలా అవ్వడం బాధాకరం. కేవలం ఒక్క ట్వీట్ చేసి నా పని నేను చేసుకోలేను. అతడి కుటుంబానికి భవిష్యత్తులో అండగా ఉంటాను. వారికి తోడుగా ఉండటం నా బాధ్యత అని విశాల్ పోస్ట్ చేశాడు.
So difficult to digest the fact that stunt artist Raju passed away while doin a car toppling sequence for jammy @arya_offl and @beemji Ranjith’s film this morning. Hav known Raju for so many years and he has performed so many risky stunts in my films time and time again as he is…
— Vishal (@VishalKOfficial) July 13, 2025
One of our great car jumping stunt Artist S M Raju Died today while doing car stunts 😭😭RIP
— silva stunt (@silvastunt) July 13, 2025
Our stunt union and Indian film industry ll be missing Him😭😭 pic.twitter.com/9Qr7Zg8Dbb
