హైదరాబాద్సిటీ, వెలుగు: ఓఆర్ఆర్పరిధిలోని ఆటోల ఓనర్లు ఇక నుంచి ఆటోల స్క్రాప్కు ఫిట్నెస్సర్టిఫికెట్పెట్టాల్సిన అవసరం లేదని ప్రభుత్వం ఉత్తర్వులు జారీ చేసింది. స్క్రాప్ చేసేప్పుడు రెన్యువల్ లేకుండానే పర్మిట్ బదిలీకి అనుమతించనున్నారు. పాత ఎల్పీజీ, సీఎన్జీ ఆటో-రిక్షాలను ఓనర్లు స్క్రాప్ చేసి అదే పర్మిట్పై కొత్త ఎల్పీజీ, సీఎన్జీ, ఎలక్ట్రిక్ ఆటోలను కొనుక్కోవచ్చు.
ఇంతకుముందు సీఎఫ్ఎస్టీ సాఫ్ట్వేర్ ప్రకారం రిజిస్ట్రేషన్, పర్మిట్ బదిలీ చేయాలంటే స్క్రాప్చేసే వాహనానికి ఫిట్నెస్ సర్టిఫికెట్ తప్పనిసరి ఉండేది. ఇది ఆటో డ్రైవర్లకు ఆర్థిక భారంగా మారుతోందని ఆందోళన వ్యక్తం చేయడంతో ప్రభుత్వం నిబంధనను సడలించింది.
ఇక నుంచి ఓఆర్ఆర్ పరిధిలోని పాత ఎల్పీజీ,సీఎన్జీ ఆటో-రిక్షాల యాజమానులు పర్మిట్ బదిలీని ఫిట్నెస్ సర్టిఫికెట్ రెన్యువల్ చేయకుండానే అనుమతిస్తారు. అయితే, బదిలీ పొందిన వ్యక్తి వాహనాన్ని రోడ్డుపై నడపబోమని, బదిలీ తేదీ నుంచి 3 నెలల్లోపు స్క్రాప్ చేస్తామని అండర్టేకింగ్ ఇవ్వాల్సి ఉంటుంది.
