హైదరాబాద్సిటీ, వెలుగు: జూబ్లీహిల్స్ రోడ్ నెంబర్ 10లోని ప్లాట్ నంబర్లు 270-కె, 270-ఎల్, 270-ఎంలల్లో కమర్షియల్ హైరైజ్ భవన నిర్మాణానికి ప్రభుత్వం ప్రత్యేక సడలింపులతో అనుమతి మంజూరు చేసింది. ఈ మేరకు సోమవారం జీవో 205 జారీ చేసింది. ఉత్తర్వుల ప్రకారం భవనం ఎత్తును 30 మీటర్ల వరకు అనుమతించడంతో పాటు, టీడీఆర్ద్వారా అదనంగా రెండు అంతస్తులు నిర్మించుకునే అవకాశం కల్పించింది.
అలాగే పర్యావరణ డెక్ ఫ్లోర్, రెండు మీటర్ల వరకు కవర్డ్ బాల్కనీలు, రూల్స్మేరకు సెట్బ్యాక్ సడలింపులకు కూడా అనుమతిచ్చింది. రోడ్డు విస్తరణకు అవసరమైన భూమిని ఉచితంగా అప్పగించేందుకు దరఖాస్తుదారులు అంగీకరించినట్లు ఉత్తర్వుల్లో పేర్కొన్నారు. ఈ నేపథ్యంలో వీరికి ఈ సడలింపులు వచ్చినట్లు పేర్కొంది.
