సుమలీల సినిమా బ్యానర్పై ఎన్ హెచ్ ప్రసాద్ దర్శకత్వం వహిస్తూ నిర్మించిన చిత్రం ‘కామ అండ్ ది డిజిటల్ సూత్రాస్’. బోల్డ్ సోషల్ డ్రామా కాన్సెప్ట్తో తెరకెక్కింది. వినయ్ వర్మ, సురభి లలిత, శ్రీకాంత్, దినేష్, జోగారావు కీలక పాత్రల్లో నటించారు. శ్రీ లక్ష్మి పిక్చర్స్ ద్వారా బాపిరాజు ఈ సినిమాను డిసెంబర్ 12న విడుదల చేస్తున్నారు.
లేటెస్ట్గా ట్రైలర్ లాంచ్ ఈవెంట్ను నిర్వహించారు. ఈ సందర్భంగా దర్శక నిర్మాత ఎన్ హెచ్ ప్రసాద్ మాట్లాడుతూ ‘ఈ సినిమాకు శృంగారం, సెక్సువల్ డిజైర్స్ ఇతివృత్తంగా తీసుకున్నా ఎక్కడా అసభ్యత లేకుండా క్లీన్గా మూవీ చేశాం. పొయెటిక్గా అన్ని కమర్షియల్ ఎలిమెంట్స్తో పాటు మంచి సందేశాత్మక కథా కథనాలతో ఈ చిత్రాన్ని రూపొందించాం.
కాళిదాసు మేఘదూతం, జయదేవుడి గీత గోవిందం...నుంచి కొన్ని కవిత్వాలు మా సినిమాలో ఉపయోగించాం. బాక్సాఫీస్ ఫలితం ఎలా ఉన్నా మంచి సినిమా చేశామనే పేరొస్తుంది’ అని అన్నారు. నటులు దినేష్, చంద్రకళా, జోగారావు, డిస్ట్రిబ్యూటర్ బాపిరాజు పాల్గొన్నారు.
