డిజిటల్ పైరసీకి వ్యతిరేకంగా అవలంబించే వ్యూహాలు, తీసుకుంటున్న చర్యలకు సంబంధించి నాలెడ్జ్‌‌‌‌ను పంచుకోవడంలో భాగంగా జపాన్‌‌‌‌కు చెందిన ఓవర్సీస్‌ డిస్ట్రిబ్యూషన్‌ అసోసియేషన్‌ (కోడా), తెలుగు ఫిల్మ్ ఛాంబర్‌ ఒప్పందం కుదుర్చుకున్నాయి.
ఈ నేపథ్యంలో కోడా సంస్థ ప్రతినిధులు ఫిల్మ్ ఛాంబర్‌‌‌‌‌‌‌‌ను సందర్శించి, ఇక్కడి యాంటీ వీడియో పైరసీ సెల్‌ పనితీరుతో పాటు సాఫ్ట్ వేర్‌ ఎక్విప్‌‌‌‌మెంట్‌‌‌‌ను పరిశీలించి ప్రశంసించారు. మరోవైపు జపాన్ ప్రతినిధులతో కలిసి నిర్మాతలు కేఎల్‌ దామోదర ప్రసాద్, డి.సురేష్ బాబు, సుప్రియ యార్లగడ్డ, రాజ్‌‌‌‌కుమార్ ఆకెళ్ల తదితరులు ప్రజాభవన్‌‌‌‌లో డిప్యూటీ సీఎం భట్టి విక్రమార్కను కలిశారు. చిత్ర పరిశ్రమ అభివృద్దికి అవసరమైన అన్ని సహాయాలను అందిస్తామని ఆయన హామీ ఇచ్చారు.
