కోలీవుడ్ స్టార్ హీరో విజయ్ తలపతి(Vijay thalapathy), స్టార్ డైరెక్టర్ లోకేష్ కనగరాజ్(Lokesh kanagaraj) కాంబోలో వచ్చిన లేటెస్ట్ మూవీ లియో(Leo). పాన్ ఇండియా లెవల్లో తెరకెక్కిన ఈ సినిమాలో త్రిష కృష్ణన్(Trisha krishnan) హీరోయిన్‌గా నటించారు. విక్రమ్ వంటి బ్లాక్ బస్టర్ తరువాత లోకేష్ నుండి వస్తున్న సినిమా కావడంతో లియో పై భారీ అంచనాలు ఏర్పడ్డాయి.
కేవలం విజయ్ ఫ్యాన్స్ కాదు ఇండియా వైడ్ గా ఉన్న సినీ లవర్స్ కూడా ఈ సినిమా కోసం ఈగర్ గా వెయిట్ చేశారు. వారు ఎదురుచూపులకు ఎండ్ కార్డు వేస్తూ అక్టోబర్ 19న ప్రేక్షకుల ముందుకు వచ్చింది ఈ సినిమాకు అదిరిపోయే రెస్పాన్స్ వస్తోంది. .
లేటెస్ట్ అప్డేట్ ప్రకారం..ఈ మూవీ అరుదైన ఘనత సాధించింది. అంతర్జాతీయ వెబ్ సైట్ కామ్‌స్కోర్ లో లిస్ట్ అయిన ఫస్ట్ తమిళ మూవీగా నిలిచింది. కామ్‌స్కోర్ గ్లోబల్ చార్ట్ ప్రకారం, లియో మూవీ ప్రపంచవ్యాప్త బాక్సాఫీస్ వీకెండ్ కలెక్షన్లలో 3వ స్థానంలో ఉండగా..ఫస్ట్ ప్లేస్ లో మార్టిన్ స్కోర్సెస్ యొక్క కిల్లర్స్ ఆఫ్ ది ఫ్లవర్ మూన్, సెకండ్ ప్లేస్ లో టేలర్ స్విఫ్ట్ యొక్క ఎరాస్ టూర్ ఫిల్మ్‌లు ఉన్నాయి.
#ThalapathyVijay’s #LEO features at number 3 in the most authentic box-office barometer @Comscore global chart! It is worldwide only next to #KillersofTheFlowerMoon and #TaylorSwiftErasTour. Fabulous ?? pic.twitter.com/GLAaLc4HvQ
— Sreedhar Pillai (@sri50) October 23, 2023
ఆడియన్స్ నుండి పాజిటీవ్ టాక్ ను సొంతం చేసుకున్న లియో సినిమాకు 4 రోజుల్లో.. ప్రపంచవ్యాప్తంగా రూ. 400.5 కోట్లను (48 మిలియన్ డాలర్లు) వసూళ్లతో టాప్ ప్లేస్ లో ఉంది.అలాగే విజయ్ కెరీర్ లోనే అత్యధిక వసూళ్లు సాధించిన చిత్రంగా నిలిచిందని ట్రేడ్ వర్గాలు తెలిపాయి.
ఇక ప్రపంచవ్యాప్తంగా 2800కుపైగా థియేటర్లలో విడుదలైన ఈ సినిమా మొదటిరోజు వరల్డ్ వైడ్‌గా రూ.145 కోట్ల భారీ కలెక్షన్స్ సాధించి రికార్డ్ క్రియేట్ చేసింది.ఈ ఫెస్టివల్ వీకెండ్ కంప్లీట్ అయ్యేలోపు రూ. 1000 కోట్ల మార్క్ ను రీచ్ అవుతుందని ట్రేడ్ వర్గాల నుంచి టాక్ వినిపిస్తోంది.
