ఈ వీకెండ్ (2025 నవంబర్ 28'th to 30'th) ఓటీటీలోకి కొత్త సినిమాలు దర్శనం ఇచ్చాయి. తెలుగు, తమిళ, మలయాళ, హిందీ భాషల్లో క్రేజీ టాక్ తెచ్చుకున్న సినిమాలు స్ట్రీమ్ అవుతున్నాయి. లవ్ & ఫ్యామిలీ, హార్రర్ & క్రైమ్, స్పోర్ట్స్ & థ్రిల్లర్ జానర్ సినిమాలు ఉండటం ఆడియన్స్ కి వీకెండ్ పండుగనే చెప్పొచ్చు. అంతేకాకుండా, ఈ కొత్త సినిమాల లిస్ట్లో ఇతర భాషల నుండి తెలుగులో డబ్ అయ్యినవి కూడా అందుబాటులో ఉండటం విశేషం. మరి ఈ ఇంట్రెస్టింగ్ సినిమాలన్నీ ఎక్కడ స్ట్రీమ్ అవుతున్నాయో ఓ లుక్కేద్దాం.
మాస్ జాతర (తెలుగు):
రవితేజ, శ్రీలీల జంటగా నటించిన రీసెంట్ మూవీ ‘మాస్ జాకతర’. ఈ మాస్ ఎంటర్‌టైనర్‌ మిక్సెడ్ టాక్తో తెచ్చుకుని.. వసూళ్లు దక్కించుకోలేకపోయింది. ఈ క్రమంలో మూవీ నెల రోజుల లోపే ఓటీటీలోకి అడుగుపెట్టనుంది. అక్టోబర్ 31న థియేటర్లలోకి వచ్చిన మాస్ జాతర.. నవంబర్ 28 నుంచి నెట్ఫ్లిక్స్లో స్ట్రీమ్ అవుతుంది. దర్శకుడు భాను భోగవరపు థ-కథనంపై కాకుండా, కేవలం రవితేజ ఫ్యాన్స్‌ని సంతృప్తి పరిచే మాస్ ఎలివేషన్స్‌, యాక్షన్ అంశాలపైనే ఎక్కువ దృష్టి పెట్టారనే టాక్ తెచ్చుకుంది. పాత సినిమాల్లోని సంఘర్షణే.. కథలో చూపించడంతో ఫ్యాన్స్ కూడా పూర్తిగా డిస్సప్పాయింట్ అయ్యారు.
శశివదనే (తెలుగు):
పలాస 1978’ ఫేం రక్షిత్ అట్లూరి, హిట్ 3 ప్రాంచైజీల్లో మెరిసిన కోమలీ జంటగా నటించిన మూవీ ‘శశివదనే’. సాయి మోహన్ ఉబ్బర దర్శకత్వంలో గోదావరి నేపథ్యంలో లవ్ అండ్ యాక్షన్ డ్రామాగా తెరకెకెక్కింది. ఈ మూవీ సన్ నెక్ట్స్ లో స్ట్రీమ్ అవుతుంది.
‘ప్రేమిస్తున్నా’(తెలుగు):
సాత్విక్ వర్మ, ప్రీతి నేహా జంటగా భాను దర్శకత్వంలో తెరకెక్కిన లవ్ స్టోరీ ‘ప్రేమిస్తున్నా. బోల్డ్ రొమాంటిక్ ఎమోషనల్ కాన్సెప్ట్తో వచ్చిన ఈ మూవీ ఆడియన్స్ ను అలరించింది. కానీ, రిలీజైన మూడు వారాల్లోనే ఓటీటీకి ఎంట్రీ ఇచ్చింది. ప్రముఖ తెలుగు ఓటీటీ ప్లాట్‌ఫామ్‌లో ఆహాలో స్ట్రీమ్ అవుతోంది.
‘పాంచ్ మినార్’ (తెలుగు):
రాజ్ తరుణ్, రాశి సింగ్ జంటగా నటించిన రీసెంట్ ఫిల్మ్ ‘పాంచ్ మినార్’ (Paanch Minar). రామ్ కడుముల దర్శకత్వంలో మాధవి, ఎంఎస్‌‌‌‌‌‌‌‌‌‌‌‌‌‌‌‌ఎమ్ రెడ్డి నిర్మించిన చిత్రం లాస్ట్ వీక్ (నవంబర్ 21న) థియేటర్లోకి వచ్చింది. క్రైమ్ కామెడీ స్టోరీతో వచ్చిన ఈ మూవీ.. వారంలోపే ఓటీటీకి ఎంట్రీ ఇచ్చింది. ప్రస్తుతం పాంచ్ మినార్ అమెజాన్ ప్రైమ్ వీడియోలో స్ట్రీమింగ్ అవుతుంది.
‘అర్జున్ చక్రవర్తి’ (తెలుగు):
విజయ రామరాజు హీరోగా నటించిన స్పోర్ట్స్ డ్రామా ‘అర్జున్ చక్రవర్తి’. విక్రాంత్ రుద్ర దర్శకత్వంలో శ్రీని గుబ్బల నిర్మించారు. ఆగస్టులో థియేటర్లలో విడుదలైన ఈ సినిమా ఇప్పటికే ‘అమెజాన్ ప్రైమ్ వీడియో’, ‘లయన్స్‌ గేట్‌ ప్లే’లో స్ట్రీమింగ్ అవుతోంది. ఇపుడు మరో ప్లాట్ ఫామ్లో ఎంట్రీకి ఇచ్చింది. నవంబరు 27 నుంచి ‘ఈటీవీ విన్‌’లో స్ట్రీమ్ అవుతుంది.
ఆర్యన్ (తమిళ):
విష్ణు విశాల్ హీరోగా కె ప్రవీణ్ రూపొందించిన చిత్రం ‘ఆర్యన్’. శుభ్ర, ఆర్యన్ రమేష్, విష్ణు విశాల్ కలిసి నిర్మించారు. నవంబర్ 7న తెలుగులో విడుదలైన ఈ సినిమా, నవంబర్ 28 నుండి నెట్ఫ్లిక్స్లో స్ట్రీమింగ్ అవుతుంది.
‘రాట్ససన్’ విజయం తర్వాత విష్ణు విశాల్ మరోసారి పోలీస్ ఆఫీసర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌గా తనదైన శైలిలో ఆకట్టుకున్నాడు. సైకో క్రిమినల్గా సెల్వరాఘవన్ పాత్ర ఇంటెన్స్ కలిగించే విధంగా ఉంటుంది. ఒక్కమాటలో చెప్పాలంటే.. సెల్వరాఘవన్ తనలోని మృగాన్ని చూపించేశాడు. మరణించిన వ్యక్తి వరుస హత్యలు ప్లాన్ చేస్తే ఎలా ఉంటుందనే కోణాన్ని ఇందులో థ్రిల్లింగ్ గా చూపించారు.
ది పెట్ డిటెక్టివ్ (మలయాళం):
అనుపమ పరమేశ్వరన్ నటించిన రీసెంట్ మలయాళ కామెడీ థ్రిల్లర్ 'ది పెట్ డిటెక్టివ్'. షరాఫుద్దీన్, అనుపమ కీలక పాత్రల్లో నటించారు. ఈ కామెడీ థ్రిల్లర్ నవంబర్ 28 నుంచి జీ5 ఓటీటీలో స్ట్రీమింగ్ కానుంది. ఈ సినిమాలో ఓ ప్రైవేట్ డిటెక్టివ్గా పనిచేశాడు హీరో. అతనికి ఎటువంటి కేసులు రాకపోయేసరికి.. తాను సొంతంగా తప్పిపోయిన ఓ పెంపుడు జంతువును వెతికడం స్టార్ట్ చేస్తాడు. ఈ క్రమంలో కుక్కను వెతికే క్రమంలో ఎన్నో ట్విస్టులు బయటకి వస్తాయి. అంతేకాకుండా మాఫియా, క్రిమినల్స్ సైతం తన రీసెర్చ్ లో బయటపతారు. అసలు ఇదంతా ఎలా సాధ్యం అనే విషయాలు తెలియాలంటే ది పెట్ డిటెక్టివ్ చూడాల్సిందే.
డీఎస్ ఈరే (మలయాళం):
మలయాళ స్టార్ మోహన్ లాల్ తనయుడు ప్రణవ్ మోహన్ లాల్ హీరోగా నటించిన రీసెంట్ హారర్ థ్రిల్లర్ డీఎస్ ఈరే (Dies Irae). ప్రణవ్ మోహన్ లాల్ తన కెరీర్-బెస్ట్ పెర్ఫార్మెన్స్ ఇచ్చాడని, రైటర్-డైరెక్టర్ రాహుల్ సదాశివన్ ఈ హారర్ థ్రిల్లర్‌ను ఫస్ట్ నుండి క్లైమాక్స్ వరకు ఆసక్తిరేపే ఉత్కంఠభరితమైన అంశాలతో తెరకెక్కించాడని రివ్యూస్ వచ్చాయి. ఈ క్రమంలోనే ఓటీటీలోకి వచ్చేందుకు రెడీ అయ్యింది. ఈ సినిమా డిజిటల్ స్ట్రీమింగ్ హక్కులను ప్రముఖ ఓటీటీ సంస్థ జియో హాట్ స్టార్ సొంతం చేసుకుంది. డిసెంబర్ 5 నుంచి ఈ మూవీ స్ట్రీమింగ్ కానున్నట్లు అధికారికంగా ప్రకటించింది. అయితే, మలయాళ వెర్షన్ రిలీజ్ కన్ఫర్మ్ కాగా.. తెలుగు వెర్షన్ గురించి ఇంకా స్పష్టత లేదు. మూవీ ల వర్స్ మాత్రం అదే రోజు నుంచే స్ట్రీమింగ్ వేయాలని కోరుతున్నారు.
రేఖై - (తమిళ మిస్టరీ):
తమిళ మిస్టరీ థ్రిల్లర్ వెబ్ సిరీస్ 'రేఖై'. జీ5 ఓటీటీలో స్ట్రీమ్ అవుతుంది. బాలహాసన్, పవిత్ర జనని ఈ మూవీలో లీడ్ రోల్స్ లో నటించారు.ఫార్మా మాఫియా చుట్టూ తిరిగే స్టోరీ ఇది.
