సినీ నటుడు టైగర్ ష్రాఫ్పై ముంబైలో కాల్పులు జరిగిన ఘటన బాలీవుడ్ను షాక్కు గురిచేసింది. టైగర్ ష్రాఫ్ ప్రయాణిస్తున్న బీఎండబ్ల్యూ కారుపై క్లోజ్ రేంజ్ నుంచి మూడు రౌండ్లు కాల్పులు జరిపినట్లు స్పాట్లో ఫోరెన్సిక్ టీం చేసిన అనాలసిస్లో నిర్ధారణ అయింది.
ఫోరెన్సిక్ నిపుణులు స్వాధీనం చేసుకున్న ఖాళీ తూటాల గుండ్లు గమనిస్తే.. టైగర్ ష్రాఫ్ BMW కారుపైకి నేరుగా మూడు రౌండ్లు కాల్పులు జరిపినట్లు స్పష్టమైంది. బైక్పై వెనుక కూర్చున్న వ్యక్తి అతి సమీపం నుంచి బుల్లెట్లను కాల్చినట్లు తెలుస్తోంది. ఇది భయపెట్టడానికో లేదా తీవ్రంగా గాయపరచడానికో పథకం ప్రకారం చేసిన ప్రయత్నమని ఫోరెన్సిక్ బృందం తేల్చింది.
VIDEO | Unidentified persons fire at Tiger Shroff in Mumbai's Juhu; actor safe and has not sustained injuries. Visuals from the spot. #TigerShroff https://t.co/ZEGcIArM0L
— Press Trust of India (@PTI_News) October 18, 2026
ఈ అటాక్లో టైగర్ ష్రాఫ్ అదృష్టవశాత్తూ ఎలాంటి గాయాలు లేకుండా తప్పించుకున్నాడు. అతని కారు డ్రైవర్ మాత్రం తీవ్రంగా గాయపడ్డాడు. నానావతి ఆసుపత్రిలో డ్రైవర్ ఫిర్దౌస్ కోలుకుంటున్నాడు. బుల్లెట్ చేతికి తగలడంతో ప్రాణాపాయం తప్పింది. ఈ ఘటనలో గాయపడిన ఆటో డ్రైవర్ చౌహాన్ కూడా చికిత్స పొందుతున్నాడు. టైగర్ ష్రాఫ్ ఫుట్‌బాల్ ఆడటానికి ఆదివారం సాయంత్రం జుహుకు వెళ్లాడు. ప్రముఖ టీవీ నటుడు కరణ్‌వీర్ మెహ్రా కూడా అతనితో పాటే ఉన్నాడు.
ఫుట్ బాల్ ముగించుకుని కారులో వెళ్లి కూర్చున్న సమయంలో ఈ అటాక్ జరిగింది. సల్మాన్ ఖాన్తో సన్నిహితంగా ఉన్నందుకే టైగర్ ష్రాఫ్ పై అటాక్ చేశామని లారెన్స్ బిష్ణోయ్ గ్యాంగ్ ఇప్పటికే ప్రకటించింది. ఈ దాడి తామే చేశామని చెప్పుకొచ్చింది. 2024 అక్టోబర్ 12న ముంబైలోని బాంద్రా ప్రాంతంలో మహారాష్ట్ర మాజీ మంత్రి, NCP నేత బాబా సిద్ధిఖీని కాల్చి చంపిన సంగతి తెలిసిందే. రెండేళ్ల తర్వాత టైగర్ ష్రాఫ్పై ఈ దాడి జరగడం గమనార్హం.
