మేడిపల్లి, వెలుగు: ఈవ్ టీజింగ్ కు పాల్పడిన ముగ్గురు వ్యక్తులను మేడిపల్లి పోలీసులు అరెస్టు చేశారు. పోలీసులు తెలిపిన వివరాల ప్రకారం.. నగరంలోని ముషీరాబాద్ శాస్త్రి నగర్ కాలనీకి చెందిన సూరి ఈశ్వర్(21) ప్రైవేటు ఉద్యోగి. కూకట్ పల్లి కి చెందిన శ్రీపతి మహేశ్వర్ రెడ్డి(27) సివిల్ ఇంజనీర్ గా పని చేస్తున్నాడు. పీర్జాదిగూడ బుద్ధ నగర్ కాలనీకి చెందిన భూపతి నరసింహ(29) కలిసి షాపింగ్ మాల్స్, బస్టాప్ ల వద్ద మహిళలను వేధిస్తున్నారని పోలీసులకు సమాచారం అందింది. ఈ మేరకు సంఘటనా స్థలానికి చేరుకున్న పెట్రోలింగ్ పోలీసులు వివిధ ప్రాంతాల్లో ముగ్గురుని అదుపులోకి తీసుకొని కేసు నమోదు చేశారు. అనంతరం వారిని రిమాండుకు తరలించినట్లు మేడిపల్లి పోలీసులు తెలిపారు.
