అమరావతి: ఏపీలో క‌రోనా పాజిటివ్ కేసులు రోజు రోజుకి పెరుగుతూనే ఉన్నాయి. బుధ‌వారం కొత్తగా 60 క‌రోనా పాజిటివ్ కేసులు న‌మోదైన‌ట్లు తెలిపింది వైద్య ఆరోగ్య‌శాఖ. ఇందుకు సంబంధించిన వివ‌రాల‌ను క‌రోనా హెల్త్ బులిటెన్ ద్వారా విడుద‌ల చేసిన ఆరోగ్య శాఖ.. రాష్ట్రంలో మొత్తం కేసుల సంఖ్య 1777కు చేరిన‌ట్లు వెల్ల‌డించింది. ఇందులో 1012 కేసులు యాక్టివ్ గా ఉండగా, 729 మంది బాధితులు కోలుకుని డిశ్చార్చి అయ్యారని చెప్పింది. కరోనాతో ఇవాళ కొత్తగా ఇద్దరు మరణించారని.. దీంతో రాష్ట్రంలో క‌రోనా వైరస్‌ వల్ల మృతిచెందినవారి సంఖ్య 36కు పెరిగింద‌ని ప్ర‌క‌టించింది.
కొత్తగా నమోదైన క‌రోనా పాజిటివ్ కేసులు
కర్నూలు జిల్లా -17
కృష్ణ – 14
గుంటూరు -12
వైజాగ్- 02
ఈస్ట్ గోదావ‌రి -01
క‌డ‌ప -01
వేరే రాష్ట్రాల నుంచి వ‌చ్చిన వారిలో 13 మందికి క‌రోనా సోకిన‌ట్లు తెలిపింది వైద్య ఆరోగ్య శాఖ.
