నవీన్, కుసుమ చందక జంటగా సురేష్ లంకలపల్లి దర్శకత్వంలో మాదాల వెంకటకృష్ణ ప్రసాద్ నిర్మిస్తున్న చిత్రం ‘లవ్ డేస్’. ఏ టాక్సిక్ లవ్ స్టోరీ అనేది ట్యాగ్‌‌‌‌లైన్. తాజాగా ఈ మూవీకి సంబంధించిన టైటిల్, గ్లింప్స్‌‌‌‌ను రిలీజ్ చేశారు. ఈ కార్యక్రమానికి అతిథిగా హాజరైన దర్శకుడు సముద్ర మాట్లాడుతూ ‘గీతాంజలి, తొలి ప్రేమ, అందాల రాక్షసి లాంటి అద్భుతమైన ప్రేమ కథల్లా ఈ చిత్రం నిలిచిపోతుంది.
టీమ్ అందరికీ ఈ చిత్రం ఎన్నో మెమొరీస్ అందించాలని కోరుకుంటున్నా’ అని అన్నారు. ఇందులోని ప్రేమకథ అందరినీ ఆకట్టుకుంటుందని హీరోహీరోయిన్స్‌‌‌‌తో పాటు దర్శక నిర్మాతలు చెప్పారు. నటుడు సూరజ్ ఆదిత్య సింగ్, సహ నిర్మాత రియాజ్ పాల్గొన్నారు.
