- హైదరాబాద్లో 10 రోజుల్లో 3 లక్షల మందికి టీకా
హైదరాబాద్, వెలుగు: హైదరాబాద్లో సూపర్ స్ప్రెడర్లకు శుక్రవారం నుంచి వ్యాక్సిన్ ఇచ్చేందుకు బల్దియా ఏర్పాట్లు చేస్తోంది. కొత్తవారి వివరాలు సేకరించడంతోపాటు ఇప్పటికే తమ వద్ద ఉన్న జాబితా ప్రకారం గురువారం నుంచి టోకెన్లు జారీ చేసేందుకు రెడీ అయింది. సూపర్ స్ప్రెడర్లుగా గుర్తించిన స్ట్రీట్ వెండర్స్, చికెన్, ఫిష్, కూరగాయల అమ్మకం దారులు, కిరాణ, వైన్స్, సెలూన్స్, లాండ్రీ, ఫ్రూట్, ఫ్లవర్ మార్కెట్స్ సిబ్బంది, ఆటో, క్యాబ్ డ్రైవర్లకు టీకాలు ఇవ్వడంలో అధికారులు ప్రయార్టీ ఇవ్వనున్నారు. వ్యాక్సిన్ ఇచ్చేందుకు 30 సర్కిల్స్లో 32 సెంటర్స్ ఏర్పాటు చేశారు. ఇందుకోసం ఫంక్షన్హాల్స్, మల్టీపర్పస్ హాల్స్, స్కూల్స్, స్టేడియాలను వినియోగిస్తారు. ఏ సెంటర్లో, ఎన్ని గంటలకు టీకా వేస్తారనే విషయాలను టోకెన్ ఇష్యూ టైమ్లోనే చెబుతారు. ఒక్కో సెంటర్లో డైలీ వెయ్యి మందికి టీకా వేసేందుకు ఏర్పాట్లు చేస్తున్నారు. 10 రోజులపాటు దాదాపు 3 లక్షల మందికి టీకా వేయనున్నారు. హైదరాబాద్లో స్ట్రీట్ వెండర్స్ సమాచారం అధికారుల వద్ద ఉంది. ట్రేడ్ లైసెన్స్ల ఆధారంగా షాపుల వివరాలు కూడా ఉన్నాయి. రైతు బజార్లు, ఫ్లవర్ మార్కెట్లలో ఎంత మందికి టీకా వేయాల్సి ఉంటుందన్న దానిపై సమాచారం సేకరించనున్నారు. ఆటో, క్యాబ్ డ్రైవర్ల వివరాలు పోలీస్ డిపార్ట్మెంట్ నుంచి తీసుకుంటున్నారు. ఇంకా మిగిలిఉన్న వారి వివరాలను సేకరించి టోకెన్లు జారీ చేస్తారు.
