మెగా ప్రిన్స్ వరుణ్ తేజ్(Varun Tej) లావణ్య త్రిపాఠిని(Lavanya Tripathi) త్వరలో పెళ్లిచేసుకోబోతున్న విషయం తెలిసిందే. ఈ జంటకు జూన్ 9న ఘనంగా నిశ్చితార్థం జరిగింది. దాదాపు ఆరేళ్లుగా ప్రేమలో ఉన్న ఈ జంట.. పెళ్లి విషయం ప్రకటించి అందరికీ షాకిచ్చారు. అప్పటి నుండి వీరి పెళ్లిపై వార్తలు వైరల్ అవుతూనే ఉన్నాయి.
ఇటీవల తమ పెళ్లి బట్టలు డిజైనింగ్ కోసం ఫేమస్ డిజైనర్ మనీష్ మల్హోత్రా వద్దకు వెళ్లారు వరుణ్, లావణ్య. ఆ ఫోటోలు కూడా సోషల్ మీడియాలో వైరల్ అయ్యాయి. దీంతో.. వీరి పెళ్లి అక్టోబర్ చివర్లో గానీ.. నవంబర్ లో గానీ ఉండొచ్చని అనుకున్నారంతా. ఇక తాజాగా వరుణ్,లావణ్య ప్రీ వెడ్డింగ్ సెలబ్రేషన్స్ ఘనంగా జరిగాయి. ఈ సెలెబ్రేషన్స్ కి మెగా ఫ్యామిలీ, లావణ్య ఫ్యామిలీ, అల్లు ఫ్యామిలీ అంతా హాజరయ్యారు.
About Last evening ..
— Chiranjeevi Konidela (@KChiruTweets) October 7, 2023
Pre Wedding Celebrations of @IAmVarunTej & @Itslavanya #MomentsToCherish pic.twitter.com/TwUqaSUmXD
ఇందుకు సంబందించిన ఫోటోలు తన ట్విట్టర్ లో షేర్ చేశారు మెగాస్టార్ చిరంజీవి. ప్రస్తుతం ఈ ఫోటోలు నెట్టింట వైరల్అవుతున్నాయి. ఈ ఫోటోలు చూసిన ఫ్యాన్స్ అండ్ నెటిజన్స్ వరుణ్, లావణ్యకు శుభాకాంక్షలు తెలుపుతూ కామెంట్స్ చేస్తున్నారు.
