గోదావరిఖని, వెలుగు: పార్లమెంట్ ఎన్నికల నేపథ్యంలో చెన్నూరు ఎమ్మెల్యే వివేక్ వెంకటస్వామి ప్రయాణిస్తున్న వెహికల్ను పెద్దపల్లి జిల్లా రామగుండం పోలీసులు ఆపి తనిఖీ చేశారు. శనివారం చెన్నూరులో ఎన్నికల ప్రచారం ముగించుకొని ఎన్టీపీసీలోని తన నివాసానికి ఎమ్మెల్యే వెళ్తుండగా గోదావరి నది బ్రిడ్జి వద్ద గల చెక్ పోస్ట్ పోలీసులు వెహికల్ తనిఖీ చేశారు. ఎమ్మెల్యేతో పాటు ఆయన వెంట ఉన్న వాహనాలను కూడా చెక్ చేశారు. పోలీసులకు ఎమ్మెల్యే వివేక్ వెంకటస్వామి సహకరించారు.
