ఉప రాష్ట్రపతి ఎన్నికకు కేంద్ర ఎన్నికల కమిషన్ షెడ్యూల్ విడుదల చేసింది. ఆగస్టు 7న ఉప రాష్ట్రపతికి ఎన్నికకు సంబంధించిన షెడ్యూల్ మొదలై సెప్టెంబర్ 9న ముగుస్తుంది. ఆగస్టు 7 నుంచి 21వ తేదీ వరకు నామినేషన్లు స్వీకరిస్తారు. 22న స్క్రూట్నీ ఉంటుంది. ఉపసంహరణలకు 25వ తేదీ వరకు గడువు ఇచ్చింది.
సెప్టెండర్ 9న ఉదయం 10 గంటల నుంచి సాయంత్రం 5 వరకు పోలింగ్ నిర్వహిస్తారు. అదే రోజు సాయంత్రం ఓట్లను లెక్కించి ఫలితాలను ప్రకటించనున్నారు. ఉపరాష్ట్రపతిని రాజ్యసభకు ఎన్నికైన సభ్యులు, లోక్ సభకు ఎన్నికైన సభ్యులతో కూడిన ఎలక్టోరల్ కాలేజీ ఎన్నికుంటుంది. ఉప రాష్ట్రపతి ఎన్నికలకు ఎలక్టోరల్ కాలేజీ జాబితాను ఖరారు చేసినట్లు ఇప్పటికే ఈసీ తెలిపింది.
