హీరోగా నటిస్తూనే, దర్శక నిర్మాతగానూ ప్రూవ్ చేసుకుంటున్నాడు విశ్వక్ సేన్. తాజాగా తను నిర్మాతగా మరో మూవీని అనౌన్స్ చేశాడు. తన హోమ్ బ్యానర్స్ వన్మయి క్రియేషన్స్, విశ్వక్‌‌సేన్ సినిమాస్‌‌పై ‘కల్ట్’ టైటిల్‌‌తో ఈ చిత్రాన్ని నిర్మిస్తున్నాడు. లైక్‌ ఏ లీప్ ఇయర్ 2024 అనేది ట్యాగ్‌‌లైన్. అలాగే ‘సే నో టు డ్రగ్స్’ అనే స్లోగన్‌‌తో పోస్టర్ డిజైన్ చేయడం ఆసక్తికరంగా ఉంది.
టైటిల్ పోస్టర్‌‌‌‌లో డ్రగ్స్, ట్యాబ్లెట్లు, పౌడర్ల రూపంలో కనిపిస్తున్నాయి. ఈ సందర్భంగా ఏర్పాటు చేసిన ప్రెస్‌‌మీట్‌‌లో విశ్వక్ సేన్ మాట్లాడుతూ ‘యంగ్ టాలెంట్‌‌ను ఎంకరేజ్ చేయాలనుకుంటున్నా. రియల్ ఇన్సిడెంట్స్ ఆధారంగా కథను రాశా. ఈ చిత్రంతో దర్శకుడు తాజుద్దీన్‌‌తో పాటు 25 మంది కొత్త యాక్టర్స్‌‌ని పరిచయం చేస్తున్నా.
ముగ్గురు అబ్బాయిలు, ముగ్గురు అమ్మాయిలు లీడ్ పాత్రల్లో ఉంటారు. నటనపై ఇంటరెస్ట్ ఉన్న వాళ్ల కోసం ఆడిషన్స్ నిర్వహించబోతున్నాం. ఈ సినిమా చాలా హిలేరియస్‌‌గా ఉండటంతో పాటు మంచి మెసేజ్ కూడా ఇస్తుంది. అలాగే ఈ చిత్రానికి సంబంధించి మరిన్ని వివరాలను త్వరలోనే ప్రకటిస్తాం’ అన్నాడు.
