వీకెండ్ ప్లాన్స్ మారాయ్ గురూ..! హైదరాబాద్ లో న్యూ వైబ్స్... లోకల్ టు గ్లోబల్.. అన్నీ ఇక్కడే..!

నిన్నటిదాకా కేవలం బిర్యానీ సువాసనలకు, ఐటీ ఉద్యోగాలకు కేరాఫ్ అడ్రస్‌‌గా నిలిచిన భాగ్యనగరం.. ఇప్పుడు సరికొత్త గ్లోబల్ కల్చర్‌‌తో సరికొత్త రంగులు అద్దుకుంటోంది. ఒకవైపు వీకెండ్స్‌‌లో లైవ్ కామెడీ క్లబ్బుల నవ్వులు, ఓపెన్ మైక్స్‌‌లో మెరుస్తోన్న సరికొత్త టాలెంట్, మ్యూజిక్, కామెడీ ఫ్యూజన్ షోలతో నగర వినోద రంగం సరికొత్త పుంతలు తొక్కుతోంది. 

మరోవైపు, స్థానిక రుచులతో పాటు థాయ్, జపనీస్, కాంటోనీస్ వంటి అంతర్జాతీయ వంటకాలతో కొత్త ఫుడ్ స్పాట్లు ఆహార ప్రియులను అలరిస్తున్నాయి. వీటన్నింటికీ మించి, సాంకేతిక రంగంలో ఐటీ నగరంగా దూసుకుపోతున్న హైటెక్ సిటీ.. ఇప్పుడు సరికొత్త ఏఐ స్టార్టప్‌‌లు, భారీ పెట్టుబడులతో గ్లోబల్ ‘ఏఐ సిటీ’గా రూపాంతరం చెందుతోంది. హైదరాబాద్ లైఫ్ స్టైల్‌‌లో రీసెంట్‌‌గా ట్రెండ్ అవుతోన్న ఆ ఆసక్తికర విశేషాలు మీకోసం...

హైదరాబాద్‌‌‌‌లో వీకెండ్ వినోదం సినిమా, పబ్‌‌‌‌లు, మ్యూజిక్‌‌‌‌కి మాత్రమే పరిమితం కాకుండా లైవ్ కామెడీ క్రేజీగా మారుతోంది. హాస్య ప్రదర్శనల్లో ప్రేక్షకులు కేవలం ప్రముఖ హాస్యనటుల స్టాండప్ కామెడీ, ఒపెన్ మిక్ ఓపెన్ మైక్స్, క్రౌడ్-వర్క్, మ్యూజికల్ కామెడీ వంటి కొత్త ఫార్మాట్‌‌‌‌లపై ఆసక్తి చూపిస్తున్నారు. వీకెండ్ అంటే కేవలం సినిమా లేదా రెస్టారెంట్‌‌‌‌కు వెళ్లడం అనే పాత అలవాటు క్రమంగా మారుతోంది. స్టాండ్-అప్ కామెడీ, లైవ్ మ్యూజిక్, డీజే రాత్రులు, సాంస్కృతిక కార్యక్రమాలు, వర్క్‌‌‌‌షాప్‌‌‌‌లు, పాప్-అప్‌‌‌‌లు వంటి అనుభవాల కోసం యువత ప్రత్యేకంగా ప్లాన్ చేసుకుంటోంది. 

నగరంలో ఈ మార్పుకు అనుగుణంగా హాస్య క్లబ్‌‌‌‌లు, ప్రత్యక్ష సంగీత వేదికలు, ఈవెంట్ స్పేస్‌‌‌‌లు కూడా పెరుగుతున్నాయి. గచ్చిబౌలిలో ది స్ట్రీట్ కామెడీ క్లబ్, మాదాపూర్‌‌‌‌లో హైదరాబాద్ కామెడీ క్లబ్, జూబ్లీహిల్స్‌‌‌‌లో హాస్య-కేంద్రీకృత వేదికలు యువతతో సందడిగా మారాయి. సినిమా నుంచి స్టాండ్ అప్ కామెడీ వరకు హైదరాబాద్ వీకెండ్ కల్చర్‌‌‌‌లో కొత్త ట్రెండ్ ఆరంభం అయింది. సెప్టెంబరు నెలలో నగరంలో ప్రముఖ స్టాండప్ కమెడియన్లు షమీక్ చక్రవర్తి, విపుల్ గోయల్, గోకుల్ కుమార్, అనుభవ్ సింగ్ లైవ్ కామెడీ షోలు జరగనున్నాయి.సినిమా తర్వాత కామెడీ థియేటర్ హైదరాబాద్ వీకెండ్‌‌‌‌కు కొత్త నవ్వుల చిరునామాగా మారాయి. 

కాఫీ ట్రెండ్​

వీకెండ్ సండేల్లో కాఫీ సిప్ చేస్తూ దాని అనుభూతిని పొందుతూ స్నేహితులతో గడపాలనుకునే వారు ఒక కప్పు కాఫీ.. కుదిరితే నాలుగు మాటలు అంటూ కాఫీ షాపుల్లో బారులు తీరుతున్నారు. వివిధ రుచుల కాఫీ తాగుతూ పుస్తకాలు చదవాలంటే దుర్గం చెరువు వద్ద నాద్ కొత్త గమ్యస్థానంగా మారింది. స్పెషాలిటీ కాఫీ కోసం బంజారాహిల్స్ లోని క్యాఫీన్ బిస్ట్రోకు వెళ్లాల్సిందే. కామిక్ పుస్తకాల స్ఫూర్తితో రూపొందించిన ఇంటీరియర్స్, సెల్ఫీలకు అనువైన ప్రదేశాలతో కూడిన రంగురంగుల, ఉత్సాహభరితమైన కేఫ్ ఖాజాగూడలోని ఆల్వేస్ సండేస్ సృజనాత్మక వ్యక్తుల సమూహానికి మంచి ఎంపిక. 

ప్రశాంతమైన, ప్రకృతి స్ఫూర్తితో కూడిన వాతావరణం చుట్టూ నిర్మించిన ఒక కొత్త కేఫ్ ఫిలింనగర్​లోని ఆరెంజరీ, ఫైర్‌‌‌‌బ్యాక్‌‌‌‌లో నిప్పుల మీద కాల్చిన థాయ్ ఆహారం, దానితో పాటు బ్యాంకాక్ చైనాటౌన్ స్ఫూర్తితో రూపొందించిన కాక్‌‌‌‌టెయిల్ బార్ అయిన బార్‌‌‌‌బ్యాక్,లేట్-నైట్ డెజర్ట్/కేఫ్ కాన్సెప్ట్, ఇందులో నాటకీయమైన పేస్ట్రీ, చాక్లెట్ వియెనోయిసరీ క్రియేషన్స్ మిల్లేలో ఉన్నాయి.నగరంలోని అత్యంత ఆకర్షణీయమైన కేఫ్/డెజర్ట్ కేంద్రాలలో ఒకటిగా, కొత్త కేఫ్‌‌‌‌లు అనుసరిస్తున్న ధోరణికి ఒక ఉపయోగకరమైన కొలమానంగా నిలుస్తుంది.పాత హైదరాబాద్‌‌ తన ప్రత్యేకతను కాపాడుకుంటూనే, కొత్త తరం అభిరుచులు – అవకాశాలతో మరో రూపాన్ని సంతరించుకుంటోంది. ఇదే ఇప్పుడు హైదరాబాద్‌‌ నయా ట్రెండ్‌‌.. రేపటి నగరానికి కొత్త నిర్వచనం.

సినిమా, షాపింగ్, రెస్టారెంట్.. ఒకప్పుడు హైదరాబాద్ వీకెండ్ అంటే కేవలం ఇంతే! కానీ ఇప్పుడు జెన్- జీ యూత్ ఎంట్రీతో భాగ్యనగర జీవనశైలిలో సరికొత్త వైబ్ మొదలైంది. వీకెండ్‌‌ను కేవలం టైంపాస్‌‌లా కాకుండా, సరికొత్త ఎక్స్‌‌పీరియన్స్ కోసం చూస్తున్నారు సిటీవాసులు. ఫుడ్, ఎంటర్‌‌టైన్‌‌మెంట్ నుంచి టెక్నాలజీ వరకు.. ప్రతి దాంట్లోనూ ఒక గ్లోబల్ కల్చర్ ట్రెండ్ అవుతోంది. లైవ్ కామెడీలు, గ్లోబల్ రుచులతో పాటు టెక్ సిటీ కాస్తా ఏఐ స్టార్టప్‌‌లతో 'ఏఐ సిటీ'గా మారుతున్న ఆ లేటెస్ట్ ట్రెండ్స్ ఇవే...

థాయ్ నుంచి డెజర్ట్ వరకు.. 

హైదరాబాద్‌‌ నగరంలో థాయ్ నుంచి డెజర్ట్ స్పాట్‌‌ల వరకు కొత్త రెస్టారెంట్లు వెలిశాయి. ప్రాంతీయ భారతీయ వంటకాలు, థాయ్, కాంటోనీస్, జపనీస్, రూఫ్‌‌టాప్ రెస్టో - బార్‌‌లు, లేట్ - నైట్ డెజర్ట్ స్పాట్‌‌లు విస్తరిస్తున్నాయి. కొత్తగా ప్రారంభమవుతున్న రెస్టారెంట్లు నగరంలోని భోజన సంస్కృతిని మరింత విభిన్నంగా మారుస్తున్నాయి. హైటెక్ సిటీలో బ్యాంకాక్‌‌కు చెందిన మిచిలిన్ బిబ్ గౌర్మండ్ సంస్థ బాన్ ఫద్ థాయ్ పేరిట థాయ్ రెస్టారెంట్ తొలి అవుట్‌‌లెట్​ను ప్రారంభించింది. సంప్రదాయ ఫ్యాడ్ థాయ్‌‌తో పాటు హైదరాబాద్ కోసం ప్రత్యేకంగా కొన్ని వంటకాలను కూడా వండి వడ్డిస్తుంది. ఫైర్ బ్యాక్ చెఫ్ డేవిడ్ థామ్సన్ ఆధ్వర్యంలో ఫైర్ గ్రిల్డ్ థాయ్ రుచులను అందిస్తున్నారు. 

వాయు రూఫ్‌‌టాప్ రెస్టో - బార్‌‌ లో ప్రాంతీయ భారతీయ వంటకాలు, సంగీతం, కాక్​టెయిల్స్ అందుబాటులో ఉంచారు. ఊట రెస్టారెంట్​లో ఆంధ్రప్రదేశ్, తెలంగాణ వంటకాలపై ప్రత్యేక దృష్టితో వివిధ ప్రాంతాల వంటలను ఒకే మెనూలోకి తీసుకొచ్చింది. జినోమ్ వ్యాలీ యూజు జపనీస్, థాయ్, చైనీస్ రుచులను అందిస్తుంది. బిర్యానీ దాటి థాయ్, కాంటోనీస్ నుంచి లేట్‌‌నైట్ డెజర్ట్స్ రుచులు అందుబాటులోకి వచ్చాయి. 

జూబ్లీ హిల్స్‌‌లో దేసీ అనేది చెఫ్ సూర్యాంశ్ సింగ్ కన్వర్ నేతృత్వంలోని 65 సీట్ల ఆధునిక భారతీయ రెస్టారెంట్. పంజాబీ సంప్రదాయంతో పుట్టిన స్మోకీ ఏఎఫ్ బటర్ చికెన్, ఓ సో కార్నీ వంటకాలను వడ్డిస్తున్నారు. ఓర్లో అనేది హైదరాబాద్‌‌లోని మాదాపూర్‌‌లో ఉన్న ఒక పాన్ - ఇండియన్ రెస్టారెంట్. ఇక్కడ అందరూ కలిసి తినే భోజనాలకు ప్రాధాన్యతనిస్తున్నారు. జాక్‌‌ఫ్రూట్ టాకోస్, చిపోటిల్ మేపుల్‌‌తో చికెన్ వింగ్స్ వంటి స్మాల్ ప్లేట్స్, బార్ స్నాక్స్‌‌తో పాటు, కేరళ బీఫ్ ఫ్రై లేదా ప్రాన్ కులిచి వంటివి వడ్డిస్తున్నారు.

స్టాండప్​ కామెడీ షోలు...

సెప్టెంబర్ నెలలో పలు కామెడీ షోలు మరింత ఊపునివ్వనున్నాయి. విపుల్ గోయల్ సెప్టెంబర్ 27న హైదరాబాద్‌‌లోని కేఎల్ఎన్ ప్రసాద్ ఆడిటోరియం ఫిక్కీలో ప్రదర్శన ఇవ్వనున్నారు. గోకుల్ కుమార్ ఇన్ సెక్యూర్ అనే కొత్త కామెడీ అవర్‌‌తో సెప్టెంబర్ 19న ‘ద కామెడీ థియేటర్​’లో కనిపించనున్నారు. ఈ షోలో కొత్త జోక్స్, వ్యక్తిగత అనుభవాలను హాస్యంగా మలిచే ఫార్మాట్‌‌ను ఆయన తీసుకురానున్నారు. వచ్చే నెల 20వతేదీన అనుభవ్ సింగ్ బస్సీ ‘కిసీ కో బతానా మత్‘ పేరిట శిల్పకళా వేదికపై రెండు షోలు ఇవ్వనున్నారు. మధ్యాహ్నం 3 గంటలకు, సాయంత్రం 7 గంటలకు ఈ షోలు జరగనున్నాయి. 

నగరంలోని చిన్న కామెడీ క్లబ్‌‌ల్లో ఓపెన్ మైక్స్, తెలుగు స్టాండ్‌‌అప్‌‌లు, ప్రయోగాత్మక షోలు కూడా కొనసాగుతున్నాయి. గచ్చిబౌలిలో ఉన్న ద కామెడీ థియేటర్ ఒక ప్రత్యేకమైన స్టాండ్-అప్ కామెడీ వేదిక. ప్రేక్షకులకు కళాకారులతో దగ్గర అనుభూతి కలిగే ప్రదర్శన స్థలంగా ఇది ప్రసిద్ధి చెందింది. ఇక్కడ స్థానిక కళాకారుల నుంచి జాతీయస్థాయి కమెడియన్ల వరకు విభిన్న లైవ్ షోలు తరచుగా నిర్వహిస్తున్నారు. సోలో స్టాండ్ - అప్, స్కెచ్ కామెడీ, ఓపెన్డి మైక్, ప్రత్యేక టూర్ షోలు ఈ వేదికపై నిర్వహిస్తున్నారు. లైవ్ మ్యూజిక్ కూడా నగర నైట్ లైఫ్‌‌లో కీలకంగా మారింది. 

ఎయిర్ లైవ్ గచ్చిబౌలి, ఎయిర్ లైవ్, స్కైహై లైవ్, తబుల రస వంటి వేదికలపై ప్రత్యక్ష సంగీత వినోదం అందుబాటులో ఉంది. ప్రస్తుతం నగరంలోని ఈవెంట్ ప్లాట్‌‌ఫామ్‌‌లలో కచేరీలు, సంగీత ఉత్సవాలు, డీజే ఈవెంట్‌‌లు, పాప్-అప్‌‌లు వంటి అనేక ఫార్మాట్‌‌లు కనిపిస్తున్నాయి.

ఏఐ స్టార్టప్​లతో...స్మార్ట్​ సిటీగా..

హైదరాబాద్ నగరం ఐటీ నుంచి ఏఐ సిటీగా రూపాంతరం చెందుతోంది. నగరంలో ఏఐ స్టార్టప్ కంపెనీలు వెలుస్తున్నాయి. ఉద్యోగులు ఏఐ ఉద్యోగాల కోసం హైదరాబాద్ నగరాన్ని ఎంచుకుంటున్నారు. నగరంలో పలు ఏఐ స్టార్టప్ కంపెనీలు ఏర్పాటయ్యాయి.తెలంగాణ ప్రభుత్వం ఫ్యూచర్ సిటీలో 400 ఎకరాల్లో ఏఐ సిటీని ఏర్పాటు చేయాలని ప్రతిపాదించింది. ఇందులో గ్రీన్ కంప్యూట్ ఇన్ ఫ్రాస్ట్రక్చర్, ఆర్ అండ్ డి ల్యాబ్స్, స్కిల్లింగ్ అకడమిక్స్, స్టార్టప్ డిస్ట్రిక్ట్, గ్లోబల్ ఏఐ ఎంటర్ ప్రెజైస్ ఏర్పాటు చేసేలా ప్రణాళిక ఉంది. మైక్రోసాఫ్ట్ ఆగస్టులో నగరంలో తన అతిపెద్ద భారతీయ డేటా సెంటర్ హబ్​ను ప్రారంభించింది. 

దేశంలో క్లౌడ్, ఏఐ ఇన్​ఫ్రాస్ట్రక్చర్ విస్తరణలో హైదరాబాద్ కీలక కేంద్రంగా మారుతుంది. ఏఐ స్టార్టప్స్, డీప్ టెక్ సొల్యూషన్స్, ఏఐ ఇంజినీరింగ్ హబ్ ఏర్పాటుతో కొత్త ఉద్యోగావకాశాలు లభించనున్నాయి. ఫార్మా, బయోటెక్, హెల్త్ కేర్ రంగాలతో ఏఐను కలపడం వల్ల డ్రగ్ డిస్కవరీ, క్లినికల్ ట్రయల్స్, డిజిటల్ హెల్త్ రంగాల్లో ఏఐ స్టార్టప్​లు పనిచేస్తున్నాయి.

తెలంగాణ ప్రభుత్వం ఏఐ ఇన్నోవేషన్స్ హబ్​ను రాష్ట్ర ఏఐ వృద్ధికి కేంద్రంగా అభివృద్ధి చేయాలని నిర్ణయించింది. నగరంలో ఏఐ స్టార్టప్ విలేజ్ ఏర్పాటు చేస్తామని తెలంగాణ సీఎం ఎ రేవంత్ రెడ్డి ఇండియా ఏఐ ఇంపాక్ట్ సమ్మిట్​లో ప్రకటించారు. హైదరాబాద్​ను నేషనల్ ఏఐ వార్ రూంకు హోస్ట్ సిటీగా సీఎం ప్రతిపాదించారు.