జీడిమెట్ల, వెలుగు: పేట్బషీరాబాద్ పరిధిలోని ఓ వీల్ అలైన్మెంట్షాపులో అగ్నిప్రమాదం జరిగింది. సుచిత్ర రాఘవేంద్రకాలనీలో ప్రదీప్రెడ్డి, శ్రీనివాస్రెడ్డి కలిసి వీల్అలైన్మెంట్ షాప్నిర్వహిస్తున్నారు. శనివారం తెల్లవారుజామున ఈ షాపు నుంచి మంటలు చెలరేగాయి.
షాపులో టైర్లు ఉండటంతో ఒక్కసారిగా మంటలు భారీగా ఎగసిపడ్డాయి. స్థానికుల సమాచారంతో ఫైర్ సిబ్బంది, పోలీసులు హుటాహుటిన ఘటనాస్థలానికి చేరుకొని మంటలను ఆర్పివేశారు. స్థానికులు పక్కనే ఉన్న ఇండ్లలోని ప్రజలను అప్రమత్తం చేసి బయటకు రప్పించడంతో పెనుప్రమాదం తప్పింది. షార్ట్సర్క్యూట్ లేదా శుక్రవారం పూజ చేసిన సమయంలో వెలిగించిన దీపం వల్లే ఈ ప్రమాదం జరిగి ఉండొచ్చని పోలీసులు భావిస్తున్నారు.
