ఆధార్ కార్డు కేవలం మీ ఐడి ప్రూఫ్ మాత్రమే కాదు, అది ఒక అవసరంగా మారింది. చాల విషయాలలో వెరిఫికేషన్ కోసం ఆధార్ తప్పనిసరి. ఆధార్ నంబర్‌ను సరిగ్గా ఎంటర్ చేస్తేనే మీ వెరిఫికేషన్ పూర్తవుతుంది. అంతేకాకుండా, మీరు ఏదైనా ఆధార్ సంబంధిత పని చేయాల్సి వచ్చినప్పుడు మీకు OTP రాకపోతే, కొత్త సమస్య ఎదురవుతుంది. బ్యాంకింగ్ నుండి ఆన్‌లైన్ వెరిఫికేషన్ వరకు, అన్ని సేవలకు ఆధార్‌తో అనుసంధానించిన మొబైల్ నంబర్ అవసరం. అందువల్ల, మీ ఆధార్‌లో పాత లేదా మొబైల్ నంబర్ తప్పుగా ఎంటర్ చేసి ఉంటే, OTP రావడం కష్టమవుతుంది. మీ ఆధార్ కి అక్టీవ్ మొబైల్ నంబర్‌ను ఎలా అప్‌డేట్ చేయాలో ఇప్పుడు తెలుసుకుందాం....
మొబైల్ నంబర్ ఎలా అప్‌డేట్ చేయాలంటే ?
ఆధార్‌లో మీ మొబైల్ నంబర్ మార్చుకోవడానికి, ముందుగా మీకు ఏయే అప్షన్స్ అందుబాటులో ఉన్నాయో చూసుకోండి. మీరు ఆధార్ యాప్ లేదా అధికారిక UIDAI వెబ్‌సైట్‌ను ఉపయోగించి దీన్ని చేయవచ్చు.
ఆధార్ యాప్ ద్వారా:
1. ముందుగా, ఆధార్ అఫీషియల్ యాప్ తెరిచి, మీ మొబైల్ నంబర్ అప్‌డేట్ చేసే ఆప్షన్ కోసం చూడండి.
2. ఇప్పుడు, ఫేస్ స్కాన్ లేదా OTP ద్వారా వెరిఫై చేయండి.
3. వెరిఫికేషన్ తర్వాత, మీరు మీ కొత్త నంబర్‌ను ఎంటర్ చేయాలి. ఏవైనా ఇతర వివరాలు అడిగితే, వాటిని కూడా ఎంటర్ చేయండి.
4. ఇప్పుడు, ఆధార్ అప్ డేట్ ఫీజు చెల్లించి, మీ ఫార్మ్ సబ్మిట్ చేయండి.
5. ఇక్కడ, మీరు ఆన్‌లైన్‌లో అప్ డేట్ స్టేటస్ కూడా ట్రాక్ చేసుకోవచ్చు.
యాప్‌లో మొబైల్ నంబర్ అప్‌డేట్ ఫీచర్ అందుబాటులో ఉండి, మీ గుర్తింపు ధృవీకరణ పూర్తయితేనే ఈ పద్ధతిని ఉపయోగిస్తారని గమనించండి.
అఫీషియల్ UIDAI వెబ్‌సైట్ ద్వారా అపాయింట్‌మెంట్ ఎలా బుక్ చేసుకోవాలంటే :
1. మొదట https://uidai.gov.in అధికారిక UIDAI వెబ్‌సైట్‌ను ఓపెన్ చేయండి.
2. ఆధార్-సంబంధిత సేవల క్రింద, 'Book an Appointment' అనే అప్షన్ క్లిక్ చేయండి.
3. ఇప్పుడు ఉన్న అప్షన్స్ నుండి మీ నగరం లేదా దగ్గర్లోని ఆధార్ సేవా కేంద్రాన్ని సెలెక్ట్ చేసుకోండి.
4. అడిగిన సమాచారాన్ని ఎంటర్ చేసి, మీకు అనుకూలమైన తేదీ, టైం సెలెక్ట్ చేయండి.
5. అన్ని వివరాలను ధృవీకరించిన తర్వాత, అపాయింట్‌మెంట్‌ను సబ్మిట్ చేయండి.
6. నిర్ణీత తేదీ, టైంకి ఆధార్ సేవా కేంద్రానికి వెళ్లి... అవసరమైన ధృవీకరణ తర్వాత, మొబైల్ నంబర్ అప్‌డేట్ ప్రక్రియను పూర్తి చేయండి.
OTP రాకపోతే ఏం చేయాలంటే ?
మీ ఆధార్ లింక్డ్ మొబైల్ నంబర్‌కు OTP రాకపోతే, ముందుగా నంబర్ సరిగ్గా ఎంటర్ చేశారో లేదో చూసుకోండి. నెట్‌వర్క్ సమస్యలు లేదా SMSలు రావడంలో ఆలస్యం దీనికి కారణం కావచ్చు. కొంత సమయం తర్వాత మళ్లీ ప్రయత్నించండి. అప్పటికీ మీకు OTP రాకపోతే, మీ ఆధార్ లింక్డ్ మొబైల్ నంబర్ స్టేటస్ చెక్ చేసి, అవసరమైతే నంబర్ అప్‌డేట్ చేయండి.
