పతంగుల పోటీతో రాబోతున్న కామెడీ స్పోర్ట్స్ డ్రామా చిత్రం ‘పతంగ్’. ప్రణీత్ ప్రత్తిపాటి దర్శకత్వంలో ప్రీతి ప‌‌‌‌గ‌‌‌‌డాల, ప్రణ‌‌‌‌వ్ కౌశిక్‌, వంశీ పూజిత్ ప్రధాన పాత్రల్లో నటించారు. సింగర్ ఎస్పీ చరణ్ కీలక పాత్రలో కనిపించనున్నారు. విజ‌‌‌‌య్ శేఖ‌‌‌‌ర్ అన్నే, సంప‌‌‌‌త్ మ‌‌‌‌క, సురేష్ కొత్తింటి, నాని బండ్రెడ్డి కలిసి నిర్మించిన ఈ మూవీ సురేష్ ప్రొడక్షన్స్ సమర్పణలో డిసెంబర్ 25న విడుదల కానుంది.
శుక్రవారం ఈ చిత్రంలోని పాటను విడుదల చేశారు. ఈ సందర్భంగా నిర్వహించిన ఈవెంట్‌‌‌‌కు అతిథిగా హాజరైన నిర్మాత సురేష్ బాబు మాట్లాడుతూ ‘కొత్త తరం అంతా కలిసి ఈ సినిమా చేశారు. నాని బండ్రెడ్డి మంచి క్రియేటివిటీ ఉన్న పర్సన్‌. కెమెరా వర్క్‌ బాగుంది. ఎంతో ఖర్చు పెట్టి క్లైమాక్స్‌‌‌‌ను షూట్‌ చేశారు.
ఓ స్టేడియంను తీసుకుని, పతంగుల పోటీ పెట్టి ఎంతో భారీగా ఆ సన్నివేశాలు తీశారు. సినిమా అందరికీ నచ్చుతుందనే నమ్మకం ఉంది’ అని అన్నారు. ఇలాంటి బ్యూటిఫుల్‌ చిత్రాన్ని అందరూ ఆదరించాలని హీరోహీరోయిన్స్‌ కోరారు. ఎంతో కలర్‌‌‌‌ఫుల్‌‌‌‌గా ఉండే ఈ సినిమా థియేటర్‌‌‌‌లో యూత్‌‌‌‌ఫెస్టివల్‌‌‌‌లా ఉంటుందని నిర్మాతలు అన్నారు.
