ప్రత్యేక హోదా గురించి మాట్లాడకుండా బేషరతుగా బీజేపీకి మద్దతివ్వాల్సిన అవసరమేంటని జనసేన అధినేత పవన్ కళ్యాణ్ ను ప్రశ్నించారు వైసీపీ నేత అంబటి రాంబాబు. రాజకీయ స్థిరత్వం లేని పవన్.. ఏ పార్టీతో పొత్తు పెట్టుకోకుండా మరో నాలుగున్నరేళ్లు ఉండగలరా? అని అన్నారు. గతంలో పాచిపోయిన లడ్డూలు ఇచ్చారన్న పవన్ కు ఇవాళ బీజేపీ నేతలు ఫ్రెష్ లడ్డూలు ఏమైనా ఇచ్చారా? అని ప్రశ్నించారు. పవన్ ఏ పార్టీ ఆఫీసులో కూర్చుంటే ఆ పార్టీకే మద్దతిస్తారన్నారు. పవన్ ను నమ్ముకుంటే కుక్కతోక పట్టుకుని గోదారి ఈదినట్టేనన్నారు. ఎన్ని పార్టీలు ఏకమైనా వైసీపీకి వచ్చిన డోకా లేదన్నారు. ఏపీలో బీజేపీ,జనసేన వల్ల ఒరిగేదేం లేదన్నారు.గత ఎన్నికల్లో వాటి పరిస్థితి ఏంటో అందరికీ తెలుసన్నారు.
