ఖిలాడీ(khiladi) బ్యూటీ మీనాక్షి చౌదరి(Meenakshi chaudary) వరుస సినిమాలతో దూసుకుపోతోంది. ఇప్పటికే మహేష్ బాబు(Mahesh babu), వరుణ్ తేజ్(Varun tej) వంటి స్టార్ హీరోలతో సినిమాలు చేస్తున్న ఈ బ్యూటీ ఇప్పుడు మరి స్టార్ హీరో సినిమాలో ఆఫర్ కొట్టేసింది. ప్రస్తుతం ఈ న్యూస్ ఇండస్ట్రీ వర్గాల్లో హాట్ టాపిక్ గా మారింది.
అక్కినేని హీరో సుశాంత్ హీరోగా వచ్చిన ఇచట వాహనములు నిలుపరాదు అనే సినిమాతో టాలీవుడ్ లో ఎంట్రీ ఇచ్చింది మీనాక్షి చౌదరి. ఆతరువాత మాస్ మహారాజ్ రవితేజతో ఖిలాడీ సినిమా చేసింది ఈ బ్యూటీ కానీ.. అడివి శేష్ తో హిట్2 మూవీతో లైమ్ లైట్ లోకి వచింది. అక్కడి నుండి వరుస అవకాశాలు దక్కించుకుంటోంది. ఇప్పటికే మహేష్ బాబు, త్రివిక్రమ్ సినిమాలో అవకాశం దక్కించుకున్న మీనాక్షి, ఆ తరువాత వరుణ్ తేజ్ మట్కా, దుల్కర్ సల్మాన్ , వెంకీ అట్లూరి లక్కీ భాస్కర్, విశ్వక్ సేన్ సినిమాలు చేస్తూ టాలీవుడ్ లక్కీ లేడీగా మారిపోయింది.
Also Read :- భగవంత్ కేసరి నుంచి అక్టోబర్ 4న రెండో సాంగ్‌ రిలీజ్
తాజా సమాచారం మేరకు ఈ అమ్మడు మరో స్టార్ హీరో సినిమాలో బంపర్ ఆఫర్ కొట్టేసింది. తమిళ స్టార్ హీరో దళపతి విజయ్, వెంకట్ ప్రభు కాంబోలో వస్తున్న పాన్ ఇండియా మూవీలో మీనాక్షి చౌదరిని ఫిక్స్ చేశారని సమాచారం. ఈ సినిమా కోసం ముందుగా ప్రియా మోహన్ పేరు వినిపించింది కానీ.. ఇప్పుడు ఆ అవకాశాన్ని మీనాక్షి దక్కించుకుందని తెలుస్తోంది. త్వరలోనే ఈ విషయంపై అధికారిక ప్రకటన రానుంది.
