కోలీవుడ్ సూపర్ స్టార్ రజినీకాంత్ నుంచి రాబోతున్న చిత్రం ‘కూలీ’ (COOLIE).లోకేష్ కనగరాజ్ దర్శకత్వంలో సన్ పిక్చర్స్ నిర్మిస్తోంది. నాగార్జున, ఆమిర్‌ ఖాన్, ఉపేంద్ర, శ్రుతిహాసన్‌ కీలకపాత్రలు పోషిస్తున్నారు. బుధవారం ఈ చిత్రం నుంచి ఫస్ట్ లిరికల్ వీడియో సాంగ్‌‌‌‌ను విడుదల చేశారు. ‘చికిటు’ (Chikitu) అంటూ సాగే ఈ పాటను అనిరుధ్ కంపోజ్ చేయగా, అరివు లిరిక్స్ అందించాడు.
ఈ పాటలో రజినీకాంత్ చేసిన మాస్‌ డ్యాన్స్ మూమెంట్స్‌ అభిమానులను హుషారెత్తిస్తున్నాయి. అనిరుధ్‌‌‌‌తో పాటు నటుడు, దర్శకనిర్మాత టి. రాజేందర్, లిరిసిస్ట్ అరివు కలిసి ఈ పాటను పాడారు. అంతేకాదు మ్యూజిక్ వీడియోలో రజినీకాంత్ డ్యాన్స్‌‌‌‌ను అనుకరిస్తూ టి.రాజేందర్, అనిరుధ్ వేసిన స్టెప్స్ ఆకట్టుకున్నాయి.
రజినీకాంత్ సినిమాల విషయంలో స్పెషల్ కేర్ తీసుకునే అనిరుధ్.. మరోసారి ఈ మాస్‌ సాంగ్‌‌‌‌తో సినిమాపై మరింత హైప్‌ పెంచాడు. ఆగస్టు 14న పాన్‌ ఇండియా వైడ్‌‌‌‌గా ఈ చిత్రం విడుదల కానుంది. తెలుగులో ఈ చిత్రాన్ని ఏషియన్‌ సునీల్ నారంగ్, సురేష్ బాబు విడుదల చేయబోతున్నట్టు తెలుస్తోంది. ఇక హిందీలో ‘కూలీ’అనే టైటిల్‌ అందుబాటులో లేకపోవడంతో ‘మజ్దూర్‌’టైటిల్‌‌‌‌తో రిలీజ్‌ చేస్తున్నారు.
