క్రికెట్ ఫ్యాన్స్ ఎంతగానో ఇందూరు చూస్తున్న ఆసియా కప్ 2025 మంగళవారం (సెప్టెంబర్ 9) నుంచి ప్రారంభం కానుంది. 8 జట్లు 20 రోజుల పాటు అలరించడానికి సిద్ధంగా ఉంది. ఈ కాంటినెంటల్ టోర్నీలో టీమిండియా ఫేవరేట్ గా బరిలోకి దిగుతోంది. పాకిస్థాన్, ఆఫ్ఘనిస్తాన్, శ్రీలంక, బంగ్లాదేశ్ గట్టి పోటీ ఇవ్వడానికి సిద్ధంగా ఉన్నాయి. యూఏఈ, హాంగ్ కాంగ్, ఒమన్ సంచలనాలు సృష్టించేందుకు సై అంటున్నాయి. తొలిసారి ఆసియా కప్ లో 8 జట్లు ఆడుతుండడంతో ఈ టోర్నీ ఆసక్తిగా మారింది.
దుబాయ్ వేదికగా దుబాయ్ ఇంటర్నేషనల్ క్రికెట్ స్టేడియంలో సెప్టెంబర్ 14న ఇండియా, పాకిస్థాన్ మధ్య జరిగే హై-వోల్టేజ్ మ్యాచ్ ఈ టోర్నీకి ప్రధాన ఆకర్షణగా మారనుంది. మొత్తం ఎనిమిది జట్లు పోటీలో ఉండగా.. గ్రూప్‌–ఎలో ఇండియా, పాకిస్తాన్, యూఏఈ, ఒమన్.. గ్రూప్‌–బిలో శ్రీలంక, అఫ్గానిస్తాన్‌, బంగ్లాదేశ్, హాంకాంగ్ బరిలో నిలిచాయి. దుబాయ్, అబుదాబి వేదికలుగా ఓవరాల్‌‌‌‌‌‌‌‌గా 19 మ్యాచ్‌‌‌‌‌‌‌‌లు జరుగుతాయి. టోర్నీ ప్రారంభ మ్యాచ్ లో ఆఫ్ఘనిస్తాన్, హాంకాంగ్ జట్ల మధ్య జరగనుంది.
ALSO READ : యుఎస్ ఓపెన్ ఛాంపియన్ అల్కరాజ్..
2023లో జరిగిన గత ఎడిషన్‌‌‌‌‌‌‌‌లో రోహిత్ శర్మ కెప్టెన్సీలో టైటిల్ నెగ్గిన ఇండియా డిఫెండింగ్ చాంపియన్‌‌‌‌‌‌‌‌గా బరిలోకి దిగనుంది. ఈ టోర్నీ అన్ని మ్యాచ్ లు దుబాయ్, అబుదాబి వేదికలుగా జరగనున్నాయి. టీ20 ఫార్మాట్ లో జరగనున్న ఈ టోర్నమెంట్ ప్రారంభ మ్యాచ్ ఆఫ్ఘనిస్తాన్, హాంకాంగ్ మధ్య అబుదాబిలో జరుగుతుంది. ఫైనల్ సెప్టెంబర్ 28న దుబాయ్‌లో జరుగుతుంది. సూపర్ 4 సెప్టెంబర్ 20 నుండి 26 వరకు జరుగుతుంది. సెప్టెంబర్ 28న జరగనున్న టోర్నమెంట్ ఫైనల్‌కు దుబాయ్ ఆతిథ్యం ఇస్తుంది.
8 గంటల నుంచి మ్యాచ్ లు:
ఆసియా కప్ మ్యాచ్ లు భారత కాలమానం ప్రకారం రాత్రి 8 గంటలకు ప్రారంభం కానున్నాయి. మొదట ప్రకటించిన షెడ్యూల్ ప్రకారం ఆసియా కప్ మ్యాచ్ లు రాత్రి 7:30 నిమిషాలకు ప్రారంభం కావాల్సి ఉంది. మరో అరగంట పెంచి కీలక మార్పు చేసింది. సెప్టెంబర్ 15న అబుదాబిలో యుఎఇ, ఒమన్ జట్ల మధ్య జరిగే మ్యాచ్ ఒక్కటే సాయంత్రం 5:30 గంటలకు (స్థానిక సమయం సాయంత్రం 4:00) గంటలకు ప్రారంభమవుతుంది. యూఏఈలో అధిక ఉష్ణోగ్రతల కారణంగా ఈ నిర్ణయం తీసుకున్నట్టు తెలుస్తోంది.
లైవ్ స్ట్రీమింగ్ ఎందులో చూడాలంటే..?
ఆసియా కప్ లైవ్ టెలికాస్ట్ ఇండియాలోని సోనీ స్పోర్ట్స్ నెట్‌వర్క్‌లో ప్రత్యక్ష ప్రసారం అవుతాయి. సోనీ లైవ్ ఆప్ లో లైవ్ స్ట్రీమింగ్ వెబ్ సైట్ లో అందుబాటులో ఉంటుంది.
ఆసియా కప్ పూర్తి షెడ్యూల్
సెప్టెంబర్ 9 - ఆఫ్ఘనిస్తాన్ vs హాంకాంగ్ (అబుదాబి)
సెప్టెంబర్ 10 - భారత్ vs యుఏఈ (దుబాయ్)
సెప్టెంబర్ 11 - బంగ్లాదేశ్ vs హాంకాంగ్ (అబుదాబి)
సెప్టెంబర్ 12 - పాకిస్తాన్ vs ఒమన్ (దుబాయ్)
సెప్టెంబర్ 13 - బంగ్లాదేశ్ vs శ్రీలంక (అబుదాబి)
సెప్టెంబర్ 14 - భారత్ vs పాకిస్థాన్ (దుబాయ్)
సెప్టెంబర్ 15 - యుఎఇ vs ఒమన్ (అబుదాబి) మరియు శ్రీలంక vs హాంకాంగ్ (దుబాయ్)
సెప్టెంబర్ 16 - బంగ్లాదేశ్ vs ఆఫ్ఘనిస్తాన్ (అబుదాబి)
సెప్టెంబర్ 17 - పాకిస్తాన్ vs UAE (దుబాయ్)
సెప్టెంబర్ 18 - శ్రీలంక vs ఆఫ్ఘనిస్తాన్ (అబుదాబి)
సెప్టెంబర్ 19 - భారత్ vs ఒమన్ (అబుదాబి)
సూపర్ 4
సెప్టెంబర్ 20 - బి1 vs బి2 (దుబాయ్)
సెప్టెంబర్ 21 - AI vs A2 (దుబాయ్)
సెప్టెంబర్ 23 - A2 vs B1 (అబుదాబి)
సెప్టెంబర్ 24 - A1 vs B2 (దుబాయ్)
సెప్టెంబర్ 25 - A2 vs B2 (దుబాయ్)
సెప్టెంబర్ 26 - A1 vs B1 (దుబాయ్)
సెప్టెంబర్ 28 - ఫైనల్ (దుబాయ్)
