టాలీవుడ్ మోస్ట్ హ్యాండ్సమ్ హీరో అఖిల్ అక్కినేని, తన కెరీర్లో వైవిధ్యమైన కథలను ఎంచుకుంటూ ప్రేక్షకులను అలరిస్తున్నారు. అయితే వరుస అపజయాలతో నిరాశతో ఉన్న ఈ యంగ్ హీరో మంచి హిట్ కోసం ఎదురుచూస్తున్నారు. ప్రస్తుతం 'వినరో భాగ్యము విష్ణుకథ' చిత్రంతో డైరెక్టర్ గా తనకంటూ ఒక ప్రత్యేక గుర్తింపు తెచ్చుకున్న మురళి కిశోర్ అబ్బురు దర్శకత్వంలో అఖిల్ తన తదుపరి చిత్రాన్ని చేస్తున్నారు. ఈ చిత్రానికి 'లెనిన్' అనే పవర్ఫుల్ టైటిల్ను ఖరారు చేశారు. అభిమానులు ఎంతో ఆశతో ఎదురుచూస్తున్న ఈ సినిమా మరోసారి వాయిదా పడింది.
విడుదల వాయిదా కారణం ఇదే..
నిజానికి ఈ చిత్రం మే 1వ తేదీనే థియేటర్లలో సందడి చేయాల్సి ఉంది. అయితే లేటెస్ట్ సమాచారం ప్రకారం ఈ సినిమాను జూన్ 26కి వాయిదా వేశారు. దీని వెనుక ఒక ఆసక్తికరమైన, స్నేహపూర్వక కారణం ఉంది. గ్లోబల్ స్టార్ రామ్ చరణ్ నటిస్తున్న భారీ బడ్జెట్ చిత్రం 'పెద్ది' ఏప్రిల్ 30న ప్రేక్షకుల ముందుకు రానుంది. ఈ నేపథ్యంలో ఈ మూవీని వాయిదా వేస్తున్నట్లు అన్నపూర్ణ స్టూడియోస్ సోషల్ మీడియా వేదికగా వెల్లడించింది.
►ALSO READ | రాజకీయాల్లోకి తమిళ స్టార్ డైరెక్టర్.. మదురై సెంట్రల్ నుంచి ఎన్డీయే అభ్యర్థిగా బరిలోకి!
మెగా పవర్ స్టార్ రామ్ చరణ్తో అఖిల్కు ఉన్న వ్యక్తిగత సాన్నిహిత్యం, పరిశ్రమ ప్రయోజనాల దృష్ట్యా, 'పెద్ది' చిత్రానికి సోలో రన్ లభించేలా ఈ నిర్ణయం తీసుకున్నారు. ఒక పెద్ద సినిమా వచ్చినప్పుడు చిన్న, మీడియం బడ్జెట్ సినిమాలు తమ విడుదల తేదీని సర్దుబాటు చేసుకోవడం ఇండస్ట్రీకి ఆరోగ్యకరమైన పరిణామం. హీరోల మధ్య ఉన్న ఈ పరస్పర గౌరవం సినీ అభిమానుల మనసు గెలుచుకుంటోంది.
కథా నేపథ్యం..
'లెనిన్' కేవలం ఒక సాధారణ రూరల్ ఎంటర్టైనర్ మాత్రమే కాదు. ఇది సమాజంలోని 'పరువు హత్యల' (Honour Killings) అనే అత్యంత సున్నితమైన, గంభీరమైన అంశం చుట్టూ తిరుగుతుంది. గ్రామీణ నేపథ్యంలో సాగే ఈ కథలో అఖిల్ పాత్ర ఎంతో సహజంగా, గంభీరంగా ఉండబోతోందని టాక్. ఈ చిత్రంలో క్రేజీ బ్యూటీ భాగ్యశ్రీ బోర్సే కథానాయికగా నటిస్తోంది. అలాగే సీనియర్ నటుడు శివాజీ ఒక కీలక పాత్రలో కనిపించనున్నారు.
సితార ఎంటర్టైన్మెంట్స్ , అన్నపూర్ణ స్టూడియోస్ సంయుక్తంగా ఈ చిత్రాన్ని నిర్మించారు. నాగ వంశీ, నాగార్జున అక్కినేని అత్యున్నత నిర్మాణ విలువలతో ఈ సినిమాను తెరకెక్కిస్తున్నారు. ఒక పక్క సామాజిక అంశం, మరోపక్క గ్రామీణ నేపథ్యం.. వెరసి 'లెనిన్' అఖిల్ కెరీర్లో ఒక మైలురాయిగా నిలుస్తుందని విశ్లేషకులు భావిస్తున్నారు. జూన్ 26న ఈ చిత్రం బాక్సాఫీస్ వద్ద ఎలాంటి ప్రభంజనం సృష్టిస్తుందో వేచి చూడాలి!
#LENIN will now arrive on June 26th, 2026. ❤️🔥#LeninOnJune26th @AkhilAkkineni8 #BhagyashriBorse @iamnagarjuna @vamsi84 @musicthaman @KishoreAbburu @NavinNooli @artkolla @leonbrittodp @pramodactor1 @brindhagopal1 @AnnapurnaStdios #ManamEnterprisesLLP @SitharaEnts @tseriessouth pic.twitter.com/EB9Y6c30Ip
— Annapurna Studios (@AnnapurnaStdios) March 28, 2026
