ఐకాన్ స్టార్ అల్లు అర్జున్(Allu Arjun) హీరోగా వస్తున్న పుష్ప 2(Pushpa 2) క్రేజ్ రోజురోజుకి నెక్స్ట్ లెవల్ కి చేరుకుంటోంది. ఇండియన్ టాప్ స్టార్స్ సైతం టచ్ చేయాలనీ రికార్డ్స్ క్రియేట్ చేస్తోంది. అది కూడా రిలీజ్ కు ముందే. ఆ లిస్టులో మన స్టార్స్ దరిదాపుల్లో కూడా లేకపోవడం గమనార్హం. ఆ రేంజ్ లో బజ్ క్రియేట్ చేస్తోంది పుష్ప 2. ఇంతకీ అసలు విషయం ఏంటంటే.. నార్త్ లో పుష్ప సినిమా క్రియేట్ చేసిన ఇంపాక్ట్ అంతా.. ఇంతా కాదు. నిజానికి తెలుగులో కంటే బాలీవుడ్ లో భారీ విజయాన్ని సాధించింది ఈ సినిమా.
ఈక్రమంలోనే ఆ సినిమాకు సీక్వెల్ గా వస్తున్న పుష్ప 2పై అంచనాలు భారీగా పెరుగుతున్నాయి. తెలుగులో కంటే ఎక్కువగా ఈ సినిమా కోసం బాలీవుడ్ ప్రేక్షకులు ఎదురుచూస్తున్నారు. అందుకు తగ్గట్టుగానే నార్త్ బిజినెస్ జరుగుతుందట. ఈ సినిమా కేవలం నార్త్ లోనే రూ.200 కోట్ల ప్రీ రిలీజ్ బిజినెస్ చేస్తోందట. ఈ విషయంలో ప్రభాస్, ఎన్టీఆర్ వంటి స్టార్స్ దరిదాపుల్లో కూడా లేకపోవడం విశేషం. ప్రభాస్ హీరోగా వస్తున్న భారీ మూవీ కల్కి సినిమాకు రూ.100 కోట్లు, ఎన్టీఆర్ హీరోగా వస్తున్న దేవర సినిమాకు రూ.50 కోట్ల బిజినెస్ మాత్రమే జరిగింది.
ఆ రెండు సినిమాలను దాటేసి పుష్ప 2 ఏకంగా రూ.200 కోట్ల బిజినెస్ చేయడం అనేది మాములు విషయం కాదు. అలా సరికొత్త రికార్డ్స్ క్రియేట్ చేస్తోంది పుష్ప 2. ఈ ఒక్క ఎగ్జామ్ఫుల్ చాలు బాలీవుడ్ లో ఈ సినిమాకు ఏ రేంజ్ లో క్రేజ్ ఉందో చెప్పడానికి. ఇక ఓవర్ ఆల్ బిజిజెస్ లో కూడా పుష్ప 2 రికార్డ్స్ క్రియేట్ చేయనుంది. ఓవర్ ఆల్ బిజినెస్ లో సౌత్ నుండి రూ.900 కోట్లతో ఆర్ఆర్ఆర్ టాప్ లో ఉంది. ఇప్పుడు ఆ సినిమా రికార్డ్ బ్రేక్ చేసిన రూ.1000 కోట్ల బిజినెస్ చేసేలా ఉంది పుష్ప 2. ప్రస్తుతం ఈ న్యూస్ ట్రేడ్ వర్గాల్లో హాట్ టాపిక్ గా మారింది. రాజమౌళి లాంటి దర్శకుడు లేకుండా ఈ రేంజ్ బిజినెస్ సాధించడం అంటే మామూలు విషయం కాదు.. జస్ట్ అల్లు అర్జున్ థింగ్స్ అంటూ కామెంట్స్ చేస్తున్నారు ఆయన ఫ్యాన్స్.
